افغانستان ده تورکیه معارف جمغرمه‌سی، مملکت بویلب سکیز ولایت ده ۴۵ مکتب ده ییتتی مینگ قیز و اوغیل اوقووچیلر گه تعلیم ساحه‌سیده خذمت قیلیب کیلماقده. مذکور جمغرمه بوگون (پنجشنبه، ۳۰ سنبله)، مطبوعاتی ییغیلیش ده، اسلام امیرلیگی رسمی‌لریدن آلتینچی صنف دن یوقاری قیز اوقووچیلر یوزی گه مکتب‌لر ایشیگی آچیلیشینی سوره‌گن.
افغانستان ده تورکیه معارف جمغرمه‌سی عمومی باشلیغی احمد توکور نینگ ایتیشیچه، آلتینچی صنف دن یوقاری قیز اوقووچیلر یوزی گه مکتب‌لر ایشیگی آچیلیشی اوچون اسلام امیرلیگی رسمی‌لری بیلن مذاکره قیلماقده‌لر.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «بیز رسمی‌لر بیلن صحبت قیلدیک و مذاکره قیلماقده‌میز. قیزلر مکتبی آچیلیشینی ایسته‌یمیز و بوتوغریده اولر نینگ جوابینی کوتماقده‌میز و آلتینچی صنف دن یوقاری قیز اوقووچیلر نینگ کیلیشی اوچون مکتب بنالری تیار دیر.»
اسلام امیرلیگی تامانیدن قریب ایکی ییل دن بیری مکتب باریش دن محروم بولگن قیز اوقووچیلر، آلتینچی صنف دن یوقاری قیزلر یوزی گه مکتب‌لر آچیلیشینی کوتماقده ایکن، تورکیه معارف جمغرمه‌سی مملکت ده آلتینچی صنف دن یوقاری قیز اوقووچیلر یوزی گه مکتب‌لر آچیلیشینی سوره‌گن.
بیشینچی حوزه نسوان مکتبی و اونینچی صنف اوقووچیسی شبانه نوری نینگ ایتیشیچه: «بیر قیز مکتب باریش و درس و تحصیل ن محروم بولسه، هیچ نرسه توزه‌لمه‌یدی، یورت آباد بولمه‌یدی و کیله‌جک توزه‌لمه‌یدی، قیزلر تعلیم‌لری گه دوام بیریش‌لرینی ایسته‌یمیز.»
الفتح مکتبی ییتینچی صنف اوقووچیسی زینت، اسلام امیرلیگی رسمی‌لریدن آلتینچی صنف دن یوقاری قیز اوقووچیلر یوزی گه مکتب‌لر آچیلیشینی سوره‌یدی.
بیزلرنینگ «ایکس» ترماغی ده هم تعقیب قیلینگ!
اونگه کوره: «بیز هر کونی اوی ده کسل کبی میز و روحی قیینچیلیککه چلینگن میز، کورس و مکتب‌لر ایشیگی یاپیلگن و اسلام امیرلیگی دن قیز اوقووچیلر یوزی گه عالی درگاه‌لر ایشیگی آچیلیشینی ایسته‌یمیز و ایکی ییل دن بیری مکتب بارمه‌ی میز.»
ایتیش کیره‌ک که بوندن آلدین، اسلام امیرلیگی سوزلاوچیسی ذبیح‌الله مجاهد، آلتینچی صنف دن یوقاری قیز اوقووچیلر یوزی گه مکتب‌لر آچیلیشینی ایتگن ایدی.
