آذربایجان تشقی ایشلر وزیرینینگ اورین باسری یالچین رفییف، افغانستان منطقهوی باغلنیش مرکزی گه ایلنیش صلاحیتیگه ایگهلیگینی بیلدیردی.
رفییف، بیرلشگن ملتلر تشکیلاتی عمومی مجموعهسینینگ ۸۱-ییغیلیشی دایرهسیده افغانستان بارهسیده بولیب اوتگن اسلام همکارلیک تشکیلاتی علاقه گروهی ییغیلیشیده ایتیشیچه، افغانستان سودا، ترانزیت و انرژی ساحهلریده همکارلیکنی کینگهیتیریش آرقهلی منطقهوی باغلنیش مرکزی گه ایلینیشی ممکن.
آذربایجان تشقی ایشلر وزیرلیگی، رفییف اوشبو ییغیلیشده اسلام همکارلیک تشکیلاتینینگ افغانستان بوییچه علاقه گروهی سعی-حرکتلرینی قوللب-قوتلهگنینی معلوم قیلگن.
اسلام همکارلیک تشکیلاتینینگ افغانستان بوییچه علاقه گروهی، اوشبو مملکت بیلن باغلیق مسئلهلرنی کوریب چیقیش و اعضا دولتلر اورتهسیدهگی همکارلیکنی مستحکملش مقصدیده فعالیت یوریتهدی. شو دایرهده سودا، ترانزیت و انرژی ساحهلریده منطقهوی همکارلیک مسئلهلریگه هم اعتبار قرهتیلهدی.
