ایران تشقی ایشلر وزیرلیگینینگ سوزلاوچیسی اسماعیل بقایی، نیویارک شهریده اوشبو مملکت و امریکا اورتهسیده مذاکره قطر واسطهچیلیگی بیلن عملگه آشیریلگنینی بیلدیردی.
بقایی بوگون ( ۱-میزان/۲۳-سپتمبر، چهارشنبه) ایراننینگ ایرنا نشری بیلن اوتکزگن صحبتیده، اوشبو مذاکره امریکا بیلن بولگن اوروش گه چیک قوییش اوچون ایران شرایطلرینی بیلدیریش مقصدی بیلن عملگه آشیریلگنینی قوشیمچه قیلگن.
بوندن آلدین، امریکا جمهور باشلیغی دونالد ترامپ اوشبو مملکت نمایندهلرینینگ ایران هیئتی بیلن اوچرهشگنیدن خبر بیریب، اونی ایجابی دیب بهالهگن ایدی.
ایران امریکا بیلن بولگن ماجرا گه چیک قوییش و اوشبو مملکت بیلن مذاکرهلرنی باشلشنی برچه جبههلرده اوروشنینگ توختهتیلیشی، توسیلگن سرمایهلری آزاد ایتیلیشی و امریکا تامانیدن دینگیز محاصرهسی بیکار قیلینیشینی اساسی شرطلریدن دیگن.
