اسلام امیرلیگی شهر و اوی-جای قوریش وزیرلیگی، کاپیسا ولایتی صیاد تومنی سووینی کابل شهری گه کیلتیریش لایحهسی تیکشیریلهیاتگنیدن خبر بیردی.
اوشبو وزیرلیک، بوگون (۱ میزان/۲۳ سپتمبر، چهارشنبه) بیر بیانیه ترقهتیب، صیاد تومنیدن کابل گچه ۵۵ کیلومتر اوزونلیکده بولگن یولَکده سوو ییتکزیلیشینی بیلدیرگن.
شهر و اوی-جای قوریش وزیرلیگی، کابل شهری ترقیات عمومی ریاستینینگ تخنیکی و مسلکی تیمی، مذکور لایحهنینگ سوو منبعلری، قندهی ییتکزیلیشی، یولی و شهر کیلهجگی احتیاجلرینی انابت گه آلگن حالده، ایشینی آلغه آلیب بارهیاتگنینی معلوم قیلگن.
سونگی ییللرده، کابل شهریده ایچیملیک سوو تنقیصلیگی جدی معماگه ایلنیب و هر ییلی آغیرلشیب بارهیاتگن بیرحالده، بوندهی قرار قبول قیلینگن.
بوندن آلدین، کابل شهری گه پنجشیردن سوو آلیب کیلیش کبی باشقه ایریم ریجهلر نظرگه آلینگن ایدی، بیراق حاضرگچه عملی بولگن ایمس.
