نیمروز محلی رسمی‌لری نینگ ایتیش‌لریچه، طالبان گروهی امنیتی کوچلرنینگ بیر پوسته‌سی اوستیگه هجوم قیلگن کیم نتیجه‌ده، ۳ حربی هلاک و باشقه ۵ کیشی ایسه یره‌لنگن.
اوتگن کون (سه‌شنبه ۳۰- جدی) نیمروز حاکمی زمریالی احدی نینگ ایتیشیچه، طالبان گروهی بو ولایت نینگ خاشرود تومنیده «گلمندی» ناملی امنیتی کوچلرنینگ بیر پوسته‌سی اوستیگه هجوم قیلگن. نیمروز حاکمی گه کوره، طالبان نینگ هجومیده امنیتی کوچلردن ۳ ته‌سی هلاک و باشقه ۵ ته‌سی ایسه یره‌لنگن.
طالبان گروهی حاضرگچه بو حقده فکر بیلدیرمه‌گن.
خاشرود نیمروز نینگ ناتینچ تومن‌لریدن دیر کیم طالبان گروهی بو تومن نینگ ایریم بولیمیده کینگ فعالیت قیله‌دی.
