فاریاب امنیتی منبع‌لری نینگ ایتیش‌لریچه، اوشبو ولایتده طالبان هجومی سبب، عامه‌نی سقلش کوچلریدن ۵ ته‌سی هلاک و باشقه ۸ ته‌سی یره‌لنگن.
منبع نینگ کوپه‌یتیریشیچه، طالبان جنگریلری اوتگن کیچه فاریاب ولایتی نینگ پشتونکوت تومنیده جایلشگن «دره آغزی» سوو توغانی قوروقچی‌لری اوستیگه هجوم قیلگن.
دره آغزی سوتوغانی‌گه جایلشگن عامه‌نی سقلش قطعه‌سی قومندانی فیروز دهندرگی نینگ ایتیشیچه، امنیتی کوچلر و طالبان آره‌سیده یوز بیرگن آتیشمه ساعت‌لرچه دوام قیلگن.
جناب دهندرگی گه کوره، عامه‌نی سقلش کوچلری و طالبان جنگریلری آره‌سیده یوز بیرگن آتیشمه‌ده عامه‌نی سقلش کوچلریدن ۵ ته‌سی هلاک و باشقه ۸ ته‌سی یره‌لنگن. فاریاب امنیتی مسوول‌لری حاضرگه‌قدر بوتوغریده فکر بیلدیرمه‌گن.
طالبان گروهی هم حاضرگه‌قدر بوتوغریده صحبت قیلمه‌گن.
