فاریاب امنیتی مسئوللری نینگ ایتیش‌لریچه، سونگی پیت‌لرده طالبان بو ولایتده بمب جایلشتیریلگن موتر پارتله‌ش هجوم‌لرینی کوپه‌یتیرگن.
فاریاب پولیس قومندانلیگی سوزلاوچیسی عبدالکریم یورش نینگ سلام‌وطندارگه ایتیشیچه، اوتگن ایکی آیده بو ولایتده طالبان گروهی تامانیدن بمب جایلشتیریلگن ۷ موتر پارتله‌تیلگن کیم بولردن ۳ ته‌سی هدف گه ییتیشگن و باشقه ۴ ته‌سی ایسه مقصد گه ییتیشمسدن آلدین امنیتی کوچلر تامانیدن تانیلیب نابود قیلینگن.
جناب یورش گه کوره، مذکور پارتلش‌لرده ۸ تینچ‌اهالی و ۴ حربی هلاک ایتیلگن و باشقه ۲۴ تینچ‌اهالی و ۱۱ حربی ایسه یره‌لنگن.
فاریاب پولیس قومندانلیگی سوزلاوچیسی نینگ ایتیشیچه، شونینگدیک اوشبو پارتلش‌لرده ۱۵۰ دکان، ۲۰۰ یشش اوی و قطار مسجدلر بوزیلگن.
باشقه بیر تاماندن فاریاب حاکمی نقیب‌الله فایق، بمب جایلشتیریلگن موترلرنی اتم بمبی گه اوخشه‌تیب ایتیشیچه، طالبان اتم بمب دن قولله‌نیش بیلن بازارلر و قریه‌لرگه هجوم قیلیب، اهالی نینگ اوی‌لرینی تخریب قیلگن.
فاریاب مدنی جماعه باشلیغی سیدزین‌الدین عابدی، فاریاب تومن‌لری نینگ خوفسیزلیک وضعیتی توغریسیده خواطر بیلدیریب ایتیشیچه، کونسایین تومن‌لرده اوروش شدت‌لنماقده و شونینگدیک بو اوروشلر باعث کوپینچه ییگیتلر جان بیرگن.
فاریاب مدنی جماعه باشلیغی گه کوره، اهالی و مدنی فعاللرنینگ سیسی ایشیتیلمه‌یدی و تومن‌لرنینگ وضعیتی گه هیچ قنده‌ی اوزگریش کیلمه‌گن.
فاریاب امنیتی مسئوللری نینگ ایتیش‌لریچه، طالبان اوروش میدان‌لریده مغلوب بولگن و یوزمه‌یوز اوروش‌لرده امنیتی کوچلرنینگ مغلوب قیله آلمه‌گن و شو یوزدن اولر بمب جایلشتیریلگن موترلردن فایده‌لنه‌دی.
