فاریاب ولایتی قیصار تومن یشاووچی‌لری نینگ ایتیش‌لریچه، طالبان گروهی بمب جایلشتریلگن بیر موتر نینگ بو تومن بازاریده پارتلتگن کیم نتیجه‌ده، یوزلرچه دکان و اونلرچه اوی بوزیلگن.
قیصار تومن یشاووچی‌لریدن گل احمد و لطف الله (مستعار آت) نینگ ایتیش‌لریچه، بو پارتلش اهالی‌گه کتته اقتصادی زیان ییتکیزگن و اولر بوندی بیر پارتلش گه هیچ شاهد بولمه‌گن.
قیصار تومن مدنی فعال‌لریدن بیری سیدمعروف مبارز نینگ ایتیشیچه، بو واقعه‌ده حربی‌لرگه کوپ زیان یتیشمه‌گن، لیکن مذکور تومن یشاووچی‌لرگه مالی زیان ییتیشگن.
فاریاب ولایت حاکمی نقیب الله فایق بو خبرنی تصدیقلب ایتیشیچه، بمب جایلشتیریلگن موترنینگ مقصدی قیصار پولیس قومندانلیگی ایکن، بیراق بو موتر مقصد گه ییتیشمسدن آلدین پارتله‌گن.
جناب فایق‌گه کوره، بو حادثه‌ده ۳ پولیس یره‌لنگن و اونلرچه اوی و یوزلرچه دوکان تخریب بولگن.
بو پارتلش مسئولیتی نی طالبان گروهی بویینگه آلگن.
