بوگون یکشنبه سلام‌وطندار خبرچی‌سی محمد‌داوود مبارک اوغلو اوتگن کون کابل نینگ دشت‌برچی منطقه‌سیده یوز بیرگن پارتلش محلی گه بارگن و شونینگدیک یوز بیرگن پارتلش خصوصیده معلومات توپلب و اهالی بیلن وضعیت خصوصیده صحبت اوتکزگن دیر.
قول اوستیده سودا ساته‌دیگن محمد‌رضا، اوتگن کون پارتلش محلی‌ده ایکن. او اوتگن کون یوز بیرگن دهشت‌لی پارتلش نی سلام‌وطندار گه شو رقم بیان قیله‌دی: «دهشت‌لی بیر سیسی بار ایدی، اوندن کیین، نرسه‌لریمیز نی قوییب اوزیمیز کیتدیک، کیچه ۹ بجه‌گچه هیچ کیم نی واقعه محلی گه باریش اوچون رخصت بیرمه‌یدیلر. مین اوچ و یا تورت یره‌دار نی کوردیم.»
پارتلش محلی‌ده محمد‌رضا بیلن قول اوستیده سودا ساته‌دیگنلردن قطاری نینگ سلام‌وطندار گه ایتیش‌لریچه، یوز بیرگن پارتلش‌دن یالغیز نیچه متر فاصله‌لری بار ایکن.
بیزلرنینگ فیسبوک صحیفه‌میزگه باش اورینگ!
محمد‌رضا بیلن بیر قطار سودا ساته‌دیگنلر یوز بیرگن پارتش نی دهشت‌لی عنوان قیلگنلری بیرحالده، بیراق قشاق‌لیک و نادارلیک سبب، اولر بوگون ایرته‌لب سودا ساتیش اوچون قیته پارتلش محلی گه بارگنلر.
اولر نینگ ایتیش‌لریچه، امنیت‌دن ایشانچ‌لری بولمه‌گنی سبب، هر کون اینیقسه اوتگن کیچه یوز بیرگن پارتلش‌دن کیین، بوگون ایرته‌لب دهشت و قورقیش بیلن ایش گه کیلگنلر.
اولر اوتگن کون یوز بیرگن پارتلش گه شاهد ایکنلر و انه شوو سبب، حاضرگچه اوشبو واقعه نینگ سلبی اثرلریدن رنج ایلته‌دیلر.
قول اوستیده سودا ساته‌دیگنلردن محمد‌جمعه و حبیب‌الله نینگ ایتیش‌لریچه، حاضرگچه قولاق‌لری درست بیر شکلده ایشیتمه‌یدی.
کابل امنیه قوماندانلیگی سلام‌وطندار بیلن اوتکزگن صحبتیده، اوتگن کون یوز بیرگن پارتلش‌لرده یره‌لنگنلر سانی نی ۵ کیشی دیگن.
شونده‌ی بیرحالده، اسلامی امارت سرپرست حکومتی نینگ ایتیشیچه، اهالی همکارلیگی و کشفی و امنیتی نهاد‌لر نینگ منظم‌لنیشی بیلن بو کبی هجوم‌لر نینگ آلدی‌نی آلیش گه متعهد دیر.
اسلامی امارت سوزلاوچیسی اورین‌باسرلریدن بلال‌کریمی نینگ ایتیشیچه: «۴۵ ییل آلدین اوروش‌لردن قالگن قورال و پارتلمه‌گن ماده‌لر نی، یاووز عنصرلردن قطاری فایده‌لنه‌دی، لیکن شو رقم واقعه‌لر نینگ آلدی نی آلیش اوچون سعی و حرکت قیله‌میز.»
بیزلرنینگ توییترده هم تعقیب قیلینگ!
اوتگن کون کابل غربی‌ده ایکی پارتلش یوز بیردی که اوشبو منطقه‌لر بوندن آلدین هم بو کبی هجوم‌لر گه شاهد ایدی.
بوندن آلدین انسان حقوقی کوزه‌تووچیسی بیر گزارش آرقه‌لی اوتگن بیر ییل‌ده مملکت نینگ تورلی نقطه‌لریده ترورچیلر نینگ هجوم‌لریده مذهبی اقلیت‌لر نینگ اولیب و یره‌لنگنی نی کمیده ۷۰۰ کیشی دیگن ایدی.
ایتیش کیره‌ک که، اوشبو هجوم‌لردن کوپینچه‌سی نی داعش گروهی بویینیگه آلگن و اوتگن کون شام چاغی یوز بیرگن پارتلش‌لردن آلدین مذهبی اقلیت‌لر گه قرشی ۱۶ هجوم اویوشتیریلگن که اولردن ۱۳ ته‌سی نینگ مسئولیتی نی داعش بویینیگه آلگن.
