پایتخت کابل شهری ده عکاس‌لردن بیرقطاری نینگ ایتیشلریچه، اسلام امیرلیگی حاکمیتیدن کیین آلتینچی صنف دن یوقاری قیز اوقووچیلر گه مکتب باریش اجازه‌سی بیریلمسلیگی و طلبه قیزلر یوزی گه بیلیم یورت‌لر ایشیگی یاپیلیشی بیلن، عکاس‌لر نینگ مشتری‌لری مثل‌سیز درجه ده کمه‌یگن.
بیزلرنینگ فیسبوک صحیفه‌میزگه باش اورینگ!
کابل شهری نینگ پل سرخ منطقه‌سیده عکس و ویدیو آلیش دکانی بولگن حسین آرین گه کوره، اوشبو کون‌لر ایشی اونچه‌لیک یخشی ایمس. او کونده‌لیک درآمدی ۵۰ فایز کمه‌یشیدن خواطر بیلدیریب ایتیشیچه: «۵۰ فایز عکس نی مکتب اوقووچیلری و دولت اداره‌لری ایشلاوچیلری آلیشه‌دی، عکس آله دیگنلر سانی کمه‌یگن. بیزنی ایشیمیز قیته دن یخشی‌لنیشی اوچون برچه گه ایش زمینه‌سی یره‌تیلیشینی ایسته‌یمیز.»
چهارراه صدارت ده عکس آلیش دکانی بولگن نادر لطیف نینگ ایتیشیچه: «اوقووچیلر نینگ درس اوقیش علاقه‌سی کمه‌یگن، ۶۰ فایز مشتری‌لریمیز سینگیل‌لریمیز ایدی حاضر یوق. ۷۰ فایز ایشیمیز کمه‌یگن.»
اقتصادی ایش بیلرمان تاج‌محمد تلاش گه کوره، خصوصی سکتور قوللب_قوتلنیشی اوچون حکومت اولر گه کیچیک قرضه بیریش گه زمینه یره‌تیب و سالیق‌لرینی درآمدلری اساسیده آلیشنی طلب قیله‌دی.
بیزلرنینگ توییترده هم تعقیب قیلینگ!
کابل شهری ده‌گی عکاس‌لر نینگ ایشانچی گه کوره، اولکه یشاوچیلری گه ایش زمینه‌سی یره‌تیلیب و اوقووچی قیزلر یوزی گه مکتب و بیلیم یورت‌لر آچیلگن تقدیرده، ایش‌لری قیته دن یخشی بوله‌دی.
