کابل دهگی اوقووچی و ایش بیلن شغللنگن یاشلردن قطارینینگ ایتیشلریچه، عمومی نقلیه واسطهلر کملیگی، اولرنینگ تعلیمی مرکزلر و ایش جایلریگه ییتیب باریش اوچون کوپینچه وقت موترنی کوتیش یا-ده کوپینچه کرایه بیریشگه مجبور قیلگن. اولرگه کوره، بو وضعیت وقتلری ضایع بولیشی یانیده، شونینگدیک عایلهلرنی هم کوپینچه اقتصادی باسیم بیلن روپهره قیلگن. اولر سلاموطندار بیلن اوتکزگنلری صحبتده، اسلام امیرلیگیدن شهری ترانسپورت سیستمی یخشیلنیشینی سورهگنلر.
۲۸ یاشر مرجاننینگ ایتیشیچه، عمومی ترانسپورت واسطهلری کملیگی، هیداوچیلردن قطاری آرقهلی باریب-کیلیش کوپ بولگن ساعتلرده یولاوچیلردن کوپینچه کرایه آلینیشیگه سبب بولگن. اونینگ کوپهیتیریشیچه: «ایش جاییگه باریش اوچون بعضا ۱۵ دن ۲۰ دقیقه و حتا ۴۰ دقیقه کوتیشگه مجبور بولهمن. ایلگریدهگی چوکیده اولتیرگنیمده، ایکی کیشینینگ کرایهسینی بیریشگه مجبور بولهمن و شونینگدیک تکسیدن فایدهلنیش قریب ۷۰-۸۰ افغانی خرهجت کوتارهدی. ترانسپورت سیستمینینگ یخشیلنیشینی ایستهیمن.»
کسلخانهلردن بیریدهگی همشیرهلردن بیری مریم بهاری گه کوره، بار قیینچیلیکلر سبب هر کونی وقتیده ایش ییریگه باریش اوچون قیینچیلیکلر بیلن روپهره دیر. «کرایهلر کوپ دیر. درست بیر موتر هم یوق، ایش گه باریشگچه کوپینچه وقت اوتهدی. بو موضوع بیزلرگه کوپینچه قیینچیلیکنی یرهتگن. کرایه آز بولگنیده یخشی بولهدی. پولیم بولمهگن کونلر کوپینچه یولنی پیاده یوریشیم کیرهک.»
۲۰ یاشر هدیه حسنزاده، اسلام امیرلیگیدن اوشبو قیینچیلیکلر حلی اوچون فوقالعاده و تیز آدیملر آلینیشینی سورهیدی. «هر کونی اویدن تعلیمی مرکزگچه کوپینچه یولنی کیزهمن. اقتصادی شرایطنی هم بیلهسیزلر که ضعیف دیر. باریب-کیلیش خرهجتی هم عایلهم گه یوک بولهدی. مسئوللردن سرکلرنی توزهتیش همده منظم و ارزان عمومی نقلیه واسطهلر سیستمینی توزهتیش بیلن باریب-کیلیشنینگ بیزلرگه قولیلشتیریشلرینی سورهیمیز.»
شونینگدیک هر کونی هوا قوالغهسی ساحهسیدن شهرنو گچه باریب-کیلهدیگن ۲۷ یاشر بشیراحمدنینگ ایتیشیچه: «آیلیگیم جوده آز دیر؛ هر کونی معاشیمنینگ بیر مقدارینی کرایهگه بیشیریشگه مجبور بولهمن. موترلر کرایهسی کوپ دیر، شهری عمومی ترانسپورت هم جوده آز. باشقه بیر تاماندن اقتصادی قیینچیلیک هم بار.»
باشقه بیرتاماندن، جمعیتشناسلردن شعیب احمدینینگ ایتیشیچه، شهری ترانسپورت دهگی بار قیینچیلیک، باریب-کیلیشنی قیینلشتیریشگه علاوه وقت ضایع بولیشی و یشاوچیلر اینیقسه یاشلر گه اقتصادی باسیملرنینگ کوپهیشیگه سبب بولهدی.
اونینگ کوپهیتیریشیچه: «حاضر وقتنی مدیریت قیلیش و امکانیتلردن درست فایدهلنیش اینیقسه یاش نسل اوچون کوپینچه اهمیتگه ایگه دیر. مسئولیتلرنی وقتیده عملگه آشیریش شخصی و اجتماعی رشدگه سبب بولهدی و رواجلنیش زمینهسینی یرهتهدی. یاشلر وقت ضایع بولیشیدن اوزاق بولیش بیلن یخشیراق تعلیمی امکانیتلردن فایدهلنه آلهدیلر و کیلهجکده جمعیت اوچون فایدهلی بیر کیشیگه اوزگریب و موفقیت یولینی توزته آلهدیلر.»
شوندهی بیرحالده، اسلام امیرلیگی ترانسپورت و هوا یوللری وزیرلیگیده مسئوللر، کابل شهریده یولاوچی تاشووچی مینگلب موتر گه اشاره قیلیب و ایتیشلریچه، شهری ترانسپورت سیستملری یخشیلنیشی اوچون دایمی نظارت دوام قیلماقده.
ترانسپورت و هوا یوللری وزیرلیگی سوزلاوچیسی حکمتالله آصفینینگ سلاموطندار گه ایتیشیچه: «کابل شهریده قریب بیش مینگ موتر یولاوچیلرنینگ تاشیش بولیمیده فعالیت قیلماقده. خذمتلر تنظیملنیشی اوچون واسطه نقلیهلر فعالیتی جوازی صادر بولیب و اولرنینگ ایشی دایمی شکلده نظارت بولهدی. حاضر ایسه واسطه نقلیهلر فعالیتی قاعده-قانون و عملدهگی معیارلر اساسیده تنظیم بولهدی.»
منظم عمومی ترانسپورت سیستمی یرهتیلیشی، باریب-کیلیش خرهجتلری کمهیشی، وقت ضایع بولمسلیگی و یشاوچیلر باریب-کیلیشی قولیلنیشی بیلن، بار قیینچیلیکلرنی کمهیتیرهدی.
