غزنی ده بیر جمغرمه آرقهلی بوگون (۳۱-سرطان، چهارشنبه)، ۱۲ ییگیتنینگ توپلم توی مراسمی اوتکزیلگن. «مسیر سعادت» جمغرمهسی مسئولی محمدغوث کاوشنینگ ایتیشیچه، اوشبو مراسم جمعیتده قولی شکلده توی قیلیش فرهنگی رواجلنیشی و ناتوغری عرف-عادتلر اورتهدن کیتیشی مقصد اوتکزیلگن.
اوکراین جمهور باشلیغی ولودیمیر زلنسکی، بو مملکت حربی کوچلری روسیهنینگ لوژستیکی مرکزلریگه هجوم قیلگنینی بیلدیردی.
فواید عامه وزیرلیگی سوزلاوچیسی محمداشرف حقشناس، بوگون (۳۱ سرطان/۲۲ جولای، چهارشنبه) ایکس اجتماعی ترماغیده بیر بیانیه ترقهتیب، بو وزیرلیک هیئتی افغانستان و اوزبیکستان اورتهسیده تیمیر یولی بوییچه همکارلیکلر کینگهیتیریلیشی، قوشمه لایحهلر ایزلنیشی و ایکی مملکت اورتهسیده آست قوریلمه لایحهلر عملگه آشیریلیش جریانی تیزلشتیریلیش مسئلهلری حقیده بحث ایتگنینی بیلدیرگن.
اوسیملیکلردن توزهلگن صابونلر، طبیعی یاغلر و تیرینی مراقبت قیلیش محصوللری بیلن توله بیر اوینینگ چیکهسیده، عیاللردن قطاری بویورتمهلرنی پاکتلش بیلن شغللنگنلر؛ ایران ده تعلیمی بیر تجربهدن باشلنگن هرات دهگی کیچیک بیر ایشخانه، حاضر ۱۰ ته عیال و قیزگه ایش بیلن شغللنیش زمینهسینی یرهتگن.
بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی افغانستان بولیمی (اوچا) گه کوره، افغانستان شرقینینگ بیر قطار بولیملریده یوز بیرگن سونگی سوو تاشقینلرده، ۲۶ کیشی اولیب و ۲۴ کیشی یرهلنگن.
رویترز، بوگون (۳۱ سرطان/۲۲ جولای، چهارشنبه) ترقهتگن گزارشیده، بورانلر شیلی مرکزی و جنوبی حدودلرینی قمرهب آلگن و اونینگ نتیجهسیده کینگ کولملی سوو تاشقینی یوز بیریب، یوللر توسیلیشی و یشش اویلر بوزیلیشیگه سبب بولگنینی ایتگن.
هرات ولایت مقامی مطبوعات ادارهسینینگ اعلام قیلیشیچه، جاری میلادی ییل باشلنگنیدن حاضرگچه اوشبو ولایتنینگ قول توقیمه ۱۰ مینگ مترمربعدن آرتیق قالینی جرمنیگه صادر بولگن.
ایران گه قرشی اوروش اوچون امریکا قوشمه ایالتلری حاضرگچه ۳۷.۵ میلیارد دالر صرفلهگن. امریکا قوشمه ایالتلری مدافعه وزیری پیت هگست، بو حقده ۳۰ سرطان/۲۱ جون کونی واشنگتنده کانگرس ایشیتووی ییغیلیشیده معلوم قیلدی. هگست، واشنگتنده کانگرس ایشیتووی ییغیلیشیده، مذکور مبلغ اوروش بیلن باغلیق ایریم خرهجتلر همده ۳۰ سپتمبرگچه کوتیلهیاتگن صرف-خرهجتلرنی اوز ایچیگه آلیشینی ایتگن.
کابل دهگی اوقووچی و ایش بیلن شغللنگن یاشلردن قطارینینگ ایتیشلریچه، عمومی نقلیه واسطهلر کملیگی، اولرنینگ تعلیمی مرکزلر و ایش جایلریگه ییتیب باریش اوچون کوپینچه وقت موترنی کوتیش یا-ده کوپینچه کرایه بیریشگه مجبور قیلگن. اولرگه کوره، بو وضعیت وقتلری ضایع بولیشی یانیده، شونینگدیک عایلهلرنی هم کوپینچه اقتصادی باسیم بیلن روپهره قیلگن. اولر سلاموطندار بیلن اوتکزگنلری صحبتده، اسلام امیرلیگیدن شهری ترانسپورت سیستمی یخشیلنیشینی سورهگنلر.
