ایران گه قرشی اوروش اوچون امریکا قوشمه ایالتلری حاضرگچه ۳۷.۵ میلیارد دالر صرفلهگن.
امریکا قوشمه ایالتلری مدافعه وزیری پیت هگست، بو حقده ۳۰ سرطان/۲۱ جون کونی واشنگتنده کانگرس ایشیتووی ییغیلیشیده معلوم قیلدی.
هگست، واشنگتنده کانگرس ایشیتووی ییغیلیشیده، مذکور مبلغ اوروش بیلن باغلیق ایریم خرهجتلر همده ۳۰ سپتمبرگچه کوتیلهیاتگن صرف-خرهجتلرنی اوز ایچیگه آلیشینی ایتگن.
بیراق پنتاگون، اوشبو ۳۷.۵ میلیارد دالر خرهجتنی قندهی حسابلهگنی حاضرچه انیق ایمس.
شونینگدیک، امریکا قوشمه ایالتلری جمهور باشلیغی دونالد ترامپ اوتگن آی کانگرسدن قریب ۹۰ میلیارد دالر قوشیمچه بودجه سورهگن ایدی – اونینگ اساسی قسمی ایران گه قرشی اوروش اوچون اجرهتیلیشی ریجهلشتیریلگن.
برچهسی بیلن، ایران و امریکا اورتهسیده اوروش دوام ایتماقده و بو مملکت اون بیرینچی کیچه ایرانده ایریم مرکزلر گه ضربه بیرگن و ایران هم، بو هجوملرگه جواباً امریکانینگ بحرین، کویت و اردنده حربی پایگاهلریگه ضربه بیرگنینی معلوم قیلگن.
