امریکا مرکزی قوماندانلیگی (سنتکام)، ایران گه قرشی کیینگی هجوملری باسقیچینینگ موفقیت بیلن یکونلنگنینی معلوم قیلگن.
سنتکام، بیر بیانیه آرقهلی اکس صحیفهسیده یازیشیچه، ایران گه قرشی هجوملرینینگ کیتمه-کیت سکیزینچی کیچهسی، بوگون (۲۸-سرطان/ ۱۹-جولای، یکشنبه)، یکونلنگن.
امریکا مرکزی قوماندانلیگینینگ ادعا قیلیشیچه، اوشبو عملیاتده ایراننینگ حربی قیرغاق کوزهتوو قوریلمهلری، هوا مدافعه تیزیملری، دینگیز امکانیتلری و راکتهلر بیلن پهپادلر سقلنهدیگن جایلر نشانگه آلینگن.
بو نهادگه کوره، امریکا اردوسی شونینگدیک اردن ده بو مملکت کوچلری برابریده هجوم اویوشتیرگن ایران سپاه پاسداران کوچلرینی هم نشانگه آلگن.
امریکا اوتگن کونی، اردن ده ایراننینگ راکته و پهپادی هجوملری نتیجهسیده عسکرلریدن ایکی تهسی اولگنی و باشقه بیر قطاری یرهلنگنینی ایتگن ایدی. ایران و امریکا آرهسیدهگی توقنشوولرنینگ ینگی تولقینی هرمز بوغوزیده تجاری اوچ کیمهنینگ نشانگه آلینگنی همده بو مملکت جنوبی قیرغاقلریده امریکا هجومیدن کیین باشلنگن.
