ایران و پاکستان ده‌گی افغانستان‌لیک قاچقین‌لردن قطاری نینگ ایتیشلریچه، ساغلیق، آزیق-آوقت تیارلش، ایش و تعلیم کبی دستلبکی امکانیت‌لردن فایده‌لنیش خصوصیده، جدی قیینچیلیکلر بیلن روپه‌ره‌لر.
پاکستان و ایران ده‌گی قاچقین‌لردن هادی غفاری و فیروز جویا نینگ ایتیشلریچه، دستلبکی امکانیت‌لردن فایده‌لنیش خصوصیده جدی قیینچیلیکلر بیلن روپهره بولگنلری گه علاوه، اوشبو مملکت‌ده قانونی و ناقانونی قاچقینلر حتی ایرکین شکلده یوریش‌دن هم محروملر.
بیزلرنینگ فیسبوک صحیفه‌میزگه باش اورینگ!
هادی نینگ کوپه‌یتیریشیچه: «قیینچیلیکلر جوده‌یم کوپ دیر، صورت تاپه‌دیگن یاردم‌لر هم آز دیر؛ کوپینچه کیشی اوشه‌نی هم قولگه کیلتیره آلمه‌یدی. اقتصادی و ایش قیین‌چیلیکلری کوپ دیر. قولگه آلینه‌دیلر، تشقریگه کیتیلمه‌یدی؛ اوشبو مملکت‌لرده قاچقینلر نینگ حیات کیچیریشی جوده‌یم قیین دیر.»
شونینگدیک فیروز نینگ کوپه‌یتیریشیچه: «قانونی یا-ده ناقانونی بولگن کیشی‌لر، قیینچیلیک بیلن روپهره دیر. نانوای‌خانه‌لرده درست نان بیرمه‌یدیلر و شونینگدیک دارو‌خانه‌لرده درست دارو بیرمه‌یدیلر یا-ده یوقاری قیمت گه بیره‌دیلر. کسل‌خانه‌لرده کسل نی آلمه‌یدیلر. اولر هر بهانه گه افغانستان‌لیکلردن پول آله‌دیلر.»
شونده‌ی بیرحالده، قاچقینلر وزیرلیگی سونگی اوچ آی‌ده پاکستان دن ۵۰۰ مینگ‌دن آرتیق افغانستان‌لیک یشاوچی و سونگی بیر ییل‌ده ایران دن ۴۰۰ مینگ‌دن آرتیق افغانستان‌لیک یشاوچیسی نینگ افغانستان گه قیتگنی‌دن خبر بیرگن؛ بیراق بیرلشگن ملت‌لر تشکیلاتی نینگ مهاجرلر ایشلری بوییچه عالی کمیشنری (UNHCR)، ینگی‌لیکده بیر گزارش آرقه‌لی ایتیشیچه، حاضر هم ایران و پاکستان ده ۷.۷ میلیون قاچقین حیات کیچیریب و همکارلیککه نیازی بار.
بیرلشگن ملت‌لر تشکیلاتی نینگ مهاجرلر ایشلری بوییچه عالی کمیشنری گه کوره، ۲۰۲۴-ییل‌دن ۲۰۲۵-ییل‌گچه بو قطار قاچقینلر گه یاردم بیریش اوچون ۶۲۰ میلیون دالر گه نیاز دیر. شونینگدیک اوشبو نهاد مذکور گزارشی‌ده ایتیشیچه، ایران و پاکستان ده‌گی افغانستان‌لیک قاچقینلر اینیقسه عیال‌لر و باله‌لر، تعلیم، ساغلیق و انسان حقوقی خذمت‌لریگه نیازلری بار.
شونده‌ی بیرحالده، قاچقینلر وزیرلیگی مسئوللری نینگ ایتیشلریچه، سونگی کون‌لر ایران و پاکستان نینگ قیینچیلیک یره‌تیشی سبب، یوزلب مینگ افغانستان‌لیک مملکت گه قیتگن؛ بیراق سونگی کون‌لر قاچقینلر نینگ مملکت گه قیتیش پروسه‌سی کمه‌یگن.
بیزلرنینگ «ایکس» ترماغی ده هم تعقیب قیلینگ!
اوشبو وزیرلیک سوزلاوچیسی عبدالمطلب حقانی نینگ سلام‌وطندار گه ایتیشیچه: «پاکستان نینگ وقت تعیین قیلگنی‌دن حاضرگچه، قریب ۵۰۰ مینگ افغانستان‌لیک قاچقین مملکت گه قیتگن. شونینگدیک ایران دن هم بیر ییل جریانیده حاضرگچه ۴۴۵ مینگ افغانستان‌لیک چیقریلگن.»
افغانستان ده سونگی سیاسی اوزگریشلردن کیین، یشاوچیلردن کوپ قطاری اقتصادی قیینچیلیکلر سبب، مملکت‌دن تشقی اینیقسه ایران و پاکستان گه مهاجرت قیلگن ایدیلر؛ بیراق قاچقینلر دایم قوشنی مملکت‌لرده اولر گه قرشی قیینچیلیکلر کوپه‌یگنی‌دن شکایت قیلگنلر.
