بیرلشگن ملتلر تشکیلاتی نینگ قاچقینلر ایشلری بوییچه عالی کمیساری، پاکستان دن افغانستانلیک مینگلب قاچقین مملکت گه قیتیب کیلیشی و بو مملکت ده بحران کوچهیشی دن خواطر بیلدیرماقده ایکن، اسلام امیرلیگی سوزلاوچیسی ذبیحالله مجاهد نینگ ایتیشیچه، سرپرست حکومت افغانستانلیک قاچقینلر نینگ قیتیب کیلیشی دن خواطر ده ایمس؛ چونکه بو قاچقینلر مملکت ده بحران و ایشسیزلیککه سبب بولمهیدی.
بیرلشگن ملتلر تشکیلاتی نینگ قاچقینلر ایشلری بوییچه عالی کمیساری، شنبه کونی، ۲۷-عقرب ترقهتگن گزارشی ده، انسان پرورلیک آژانسلر بودجه آزلیگی بیلن روپهره ایکن، هرات ده زلزله طفیلی زیان کورگنلر گه علاوه، پاکستان دن افغانستانلیک مینگلب قاچقین جبر دن چیقریلیشی، مملکت ده بشری بحران کوچهیشیدن خواطر بیلدیرگن.
اسلام امیرلیگی سوزلاوچیسی ذبیحالله مجاهد نینگ سلاموطندار گه ایتیشیچه: «قاچقینلر نینگ کیلیشی دن خواطرده ایمسمیز، چونکه اولر افغانستانلیک دیر اوز اولکهلری گه قیتماقده، هیچ بحران و بیکارچیلیککه سبب بولمهیدی چونکه افغانستان ده ارزانچیلیک دیر و پول نرخی یوقاری دیر؛ اولکه آبادانچیلیگی و ترقیاتی گه حصه قوشیش اوچون افغانستانلیکلر مملکت گه قیتیشلری کیرهک.»
بیزلرنینگ فیسبوک صحیفهمیزگه باش اورینگ!
اقتصاد وزیرلیگی مسئوللری گه کوره، بو وزیرلیک سرپرست حکومت مسئوللری و یشاوچیلر نینگ اویغونلیگی و یاردمی بیلن، وضعیت نی بوتونلی کنترول قیلگن.
اقتصاد وزیرلیگی سوزلاوچیسی عبدالرحمان حبیب نینگ سلاموطندار گه ایتیشیچه: «تشکیلاتلر و صناعتچیلر بیلن ییغیلیش اوتکزدیک، اولر کوپ یاردم کورستگن، قاچقینلر فابریکهلر ده ایشگه آلینیشی اوچون فابریکه ایگهلری بیلن گپیرگنمیز، وضعیت بوتونلی باشقریلگن.»
بیراق پاکستان و ایران دن جبر دن چیقریلگن قاچقینلردن بیرقطاری، تقدیرلری نامعلوملیگیدن تشویش دهلر.
سونگی کونلرده پاکستان و ایران دن مملکت گه قیتگن اسدالله و محمدنبی عظیمی نینگ ایتیشلریچه:
سونگی کونلرده پاکستان دن مملکت گه قیتگن اسدالله گه کوره: «یشش اوی، پول پاکستان ده قالگن، بیر عایله ده قریب ۱۷ کیشیمیز، یشش اویمیز و ایشیمیز یوق، قیش ییتیب کیلماقده هیچ تیارگرلیک کورگن یوقمیز.»
ایران دن اولکه گه قیتگن محمدنبی عظیمی نینگ ایتیشیچه: «ایکی بالهم بار، ایشسیزلیک اوچون ایران باردیم، ایش اوستیدن آلیب افغانستان گه دیپورت قیلدیلر، حاضر بیکار من، دولت دن بیز گه ایش زمینهسی یرهتیشنی ایستهیمیز.»
بیزلرنینگ «ایکس» ترماغی ده هم تعقیب قیلینگ!
برچهسی بیلن اقتصاد و اجتماعی ایش بیلرمانلر نینگ ایشانچی گه کوره، پاکستان دن افغانستانلیک مینگلب قاچقین جبر دن چیقریلیشی، مملکت بویلب اقتصادی قیینچیلیک، جمعیت ترتیبسیزلیگی و کمبغللیککه سبب بولهدی.
اقتصادی ایش بیلرمان ایرجفقیری نینگ کوپهیتیریشیچه: «قوشنی اولکهلر دن قاچقینلر نینگ قیتیشی، افغانستان نینگ اقتصادی اوستیگه سلبی تاثیر قیلهدی، شونینگدیک استه_سیکین کمبغللیک و ایشسیزلیککه سبب بولهدی.»
بیرلشگن ملتلر تشکیلاتی نینگ قاچقینلر ایشلری بوییچه عالی کمیساری نینگ معلوماتی اساسیده، پاکستان دولتی اوشبو مملکت دن افغانستانلیک ناقانونی قاچقینلرنی چیقریش جریانینی باشلهگندن حاضرگچه، مذکور مملکت دن اوچ یوز ۵۰ مینگ قاچقین چیقریلگن.
باشقه تاماندن، ایران مهاجرت اداره مسئولی، سونگی تورت آی ایچیده افغانستانلیک ۴۵۰ مینگ قاچقین چیقریلیشیدن خبر بیرگن.