اسلام امیرلیگی رهبری هبت‌الله آخوندزاده هییت بیرمی مناسبتی بیلن مملکت‌لردن افغانستان نینگ امنیت، ثبات و رواجلنگنی نی یخشی بیر فرصت بیلیب و آلدین‌دن هم کوپراق اسلام امیرلیگی بیلن «یخشی رابطه‌لری» نی کینگه‌یتیریب و همکارلیک روحیه‌سی گه اساسلنگن بیر پالیسی نی آلغه آلیب باریشلری نی ایسته‌گن.
بوگون اسلام امیرلیگی سوزلاوچیسی ذبیح‌الله مجاهد آرقه‌لی ترقه‌تیلگن اوشبو پیام‌‌ده کیلیشیچه: «افغانستان اسلام امیرلیگی اوزی نینگ شرعی سیاستی اساسیده، هر کیم بیلن، بیر بیری گه قرشی بولگن حرمت اساسیده یخشی رابطه‌سی بار و شونینگدیک هر تاماندن اسلام امیرلیگی نینگ بو نیت و اراده‌سی گه شک قیلمسلیک‌لری نی ایسته‌گن. قول و سوزی‌میز سوز دیر و اولردن افغانستان نینگ حریم، منفعت و عزتی گه توجه قییش‌لری خصوصیده توقع‌میز بار و بیزلر بیلن یخشی رابطه نی آلغه آلیب باریشلری نی ایسته‌یمیز.»
بیزلرنینگ «ایکس» ترماغی ده هم تعقیب قیلینگ!
اسلام امیرلیگی رهبری، پیامی نینگ بیر بولیمی‌ده کوپه‌یتیریشیچه، اسلام امیرلیگی اسلام دینی اساسیده، اورته سیاست دایره‌سی و اقتصادمحور بیلن آلغه کیته‌دی و «برچه بیلن یخشی، دیپلماتیک و اقتصادی مناسبت‌لر» نی ایسته‌یدی.
آخوندزاده نینگ اورغولشیچه، تشقی ایشلر وزیرلیگی گه برچه مملکتلر اینیقسه اسلام دنیاسی بیلن یخشی ایشانچ بیر فضا نینگ ایجاد قیلیش خصوصیده مسئولیت بیرگن.
بیزلرنینگ فیسبوک صحیفه‌میزگه باش اورینگ!
اسلام امیرلیگی پیامیده گرچند قیزلر یوزیگه مکتب‌لر و بیلیم یورت‌لر نینگ آچیلیشی خصوصیده هیچ نرسه دیمه‌گن؛ بیراق دینی و زمانه‌وی تعلیم‌لر توغریسیده معارف وزیرلیگی نینگ سعی‌وحرکت قیلگنی نی بیان قیلگن.
هبت‌الله آخوندزاده اوشبو پیامیده نیازمندلر گه یاردم بیریش، امنیت، تعلیم‌وتربیه، اقتصاد، مخدره ماده گه قرشی کوره‌ش، اسلامی شریعت عمل گه آشیریلیشی، برچه بیلن اسلامی شریعت اساسیده یانده‌شیلیشی و شونینگدیک فلسطین ده‌گی آتیشمه‌لر گه هم اشاره قیلگن.
