بیرلشگن ملت‌لر تشکیلاتی بشرحقلری عالی کمیساری، پاکستان پولیسی افغانستان‌لیک قاچقین‌لر نینگ بیزاوته قیلیشیدن خواطر بیلدیرماقده ایکن، سونگی کون‌لرده تورخم و اسپین‌بولدک بندرلری دن مملکت گه قیتگن قطار قاچقین‌لر نینگ ایتیشلریچه، پاکستان پولیسی اوشبو مملکت دن قاچقین‌لر نینگ جبر دن چیقریش پیتیده، اولر گه ظلم قیلیب و برچه نرسه‌لرینی تارتیب آلگن.
پاکستان نینگ سند ایالتی ده ۲۵ ییل حیات کیچیریب و سونگی کون‌لر ده قندهار گه قیتگن بریالی نینگ ایتیشیچه، قیین شرایط ده پاکستان دن چیقریلگن.
اونگه کوره: «پاکستان دن جبر دن چیقردیلر، حکومت تامانیدن کلتکلندیک، هر جای ده بیزنی بیزاوته قیلیب، عیاللر و باله‌لریمیز گه شفقت قیلمس ایدیلر.»
بیزلرنینگ فیسبوک صحیفه‌میزگه باش اورینگ!
بیرلشگن ملت‌لر تشکیلاتی نینگ بشرحقلری عالی کمیساری بیر بیانیه ترقه‌تیب، پاکستان دولتی تامانیدن افغانستان‌لیک قاچقین‌لر اوز باشیمچه‌لیک شکلده قولگه آلینیشی و اولر بیلن یامان یانده‌شیلیشیدن خواطر بیلدیریب ایتیشیچه، افغانستان گه قیته‌دیگن قاچقین‌لر نینگ نرسه‌لری تارتیب آلینگن.
ینگی‌لیکده، پاکستان دن مملکت گه قیتگن قاچقین‌لردن بیرقطاری نینگ ایتیشلریچه، پاکستان دن جبر دن چیقریلیش پیتیده، مذکور مملکت پولیسی بار نرسه‌لرینی تارتیب آلگن.
مملکت گه قیتگن قاچقین‌لردن محمدخان نینگ ایتیشیچه: «عیاللر، باله‌لر و حتا کیکسه‌لر گه شفقت قیلمه‌یدیلر، یشش اوی‌لر گه باستیریب کیره‌دیلر بیزنی چیقریش پیتیده ۵۰۰ مینگ روپیه‌منی آلدیلر و ۱۰۰ مینگ‌لیک موتریم اوشه ییر ده قالگن.»
مملکت گه قیتگن قاچقین‌لردن باشقه بیری محمدحسین گه کوره: «پاکستان ده یشش اوی و دکانی‌میز بار ایدی، اویی‌میز نرخی بیر کرور ۵۰۰ مینگ افغانی دیر اولر نینگ پولینی آلالمه‌دیک.»
بیزلرنینگ «ایکس» ترماغی ده هم تعقیب قیلینگ!
برچه‌سی بیلن، اسلام امیرلیگی گه کوره، نیچه مرته پاکستان رسمی‌لری بیلن افغانستان‌لیک قاچقین‌لر نینگ قیینچیلیگی باره‌سیده صحبت قیلگنلر، بیراق حاضر پاکستان دن مملکت گه قیتگن قاچقین‌لر نینگ قالگن نرسه‌لرینی انتقال بیریش مقصدیده سعی‌وحرکت قیلماقده‌لر.
اسلام امیرلیگی سوزلاوچیسی ذبیح‌الله مجاهد نینگ ایتیشیچه: «افغانستان‌لیک قاچقین‌لر نینگ قیینچیلیگی حقیده نیچه مرته پاکستان رسمی‌لری بیلن مذاکره قیلدیک، حاضر اوتمیش گه نسبتن اونچه مذاکره قیلمه‌ی میز، قاچقین‌لر نینگ نرسه‌لرینی انتقال بیریش اوچون تلاش قیله‌یپمیز، حاضر سوداگرلیک وزیری پاکستان ده دیر اوشبو مملکت رسمی‌لری صحبت قیله‌دی.»
افغانستان ده بیرلشگن ملت‌لر تشکیلاتی نینگ انسان پرورلیک یاردم‌لرینی هماهنگ قیلووچی دفتری (اوچا)، ینگی‌لیکده سپتمبر آیی دن بیری پاکستان دن افغانستان‌لیک ۳۲۷.۴ مینگ قاچقین مملکت گه قیتگنلر.
