پاکستان دن افغانستان‌لیک ناقانونی قاچقین‌لر نینگ قولگه آلیش و جبر دن چیقریش جریانی گه دایر مناسبت‌لر دوام ایتر ایکن، خلق‌ارا کیچیریم تشکیلاتی ینگی‌لیکده ترقه‌تگن بیانیه‌سیده، پاکستان افغانستان‌لیک قاچقین‌لر نینگ چیقریش دن سیاسی فایده‌لنه‌دی تیزلیک بیلن توخته‌تیشینی سوره‌گن.
خلق‌ارا کیچیریم تشکیلاتی بیانیه‌سی بیر بولیمی ده، پاکستان تامانیدن افغانستان‌لیک قاچقین‌لر اوچون قماقخانه‌لر تشکیل ایتیلگنیدن تنقید قیلیب ایتیشیچه، مذکور مرکزلردن بیرقطاری ده مدافع وکیل آلیش و قاچقین‌لر عایله اعضالری بیلن علاقه قوریش حقی بیریلمه‌گن.
بیزلرنینگ فیسبوک صحیفه‌میزگه باش اورینگ!
شو بیلن بیرگه، پاکستان ده افغانستان ایلچیخانه‌سی گه کوره، جبر دن چیقریش اوچون حبس گه آلینگن قاچقین‌لر کمپ‌لری بیلن هیچ علاقه‌لری یوق دیر.
پاکستان ده افغانستان ایلچیخانه سرپرستی سرداراحمد شکیب نینگ ایتیشیچه: «ایکی تور کمپ بار، بیری ده مهاجرلر بایومتریک بولیب و اسنادلری تیکشیریله‌دی، بیز بو کمپ‌لرنی باریب یقیندن کوزه‌تدیک، ایریم قولی‌لیک‌لری بار، بیراق قاچقین‌لر حبس گه آلینگن کمپ‌لر بیلن علاقه‌میز یوق.»
پاکستان وقتینچه‌لیک حکومتی، افغانستان‌لیک بیر میلیون ۷۰۰ مینگ مهاجر شامل ناقانونی قاچقین‌لرنی بیر نومبر دن کیین اوشبو مملکت دن چیقریشنی اعلام قیلگندن سونگ، خلق‌ارا تشکیلات‌لر و مملکت‌لردن بیرقطاری، پاکستان حکومتی دن اوشبو قرارینی قیته کوریب چیقیشینی سوره‌گنلر.
اسلام امیرلیگی سوزلاوچیسی ذبیح‌الله مجاهد، حاضرگی وضعیتدن خورسندلیک قیلیب ایتیشیچه، افغانستان‌لیک قاچقین‌لر نینگ اولکه گه قیتیشی بیلن، اسلام امیرلیگی گه قرشی سیاسی باسیم‌لر گه چیک قویلیشی ممکن.
بیزلرنینگ «ایکس» ترماغی ده هم تعقیب قیلینگ!
او نینگ کوپه‌یتیریشیچه: «قاچقین‌لر کیلیشی یخشی فرصت دیر چونکه اولر هر کون قیینچیلیک روپه‌ره دیر، بوگون‌لیک کون ده اولر گه قولی‌لیک یره‌تیلگن بولسه کیله‌جک ده ایریم قیینچیلیک‌لر بیلن روپه‌ره بوله‌دیلر، اولر دن سیاسی باسیم اوله‌راق قوللـه‌نیله‌دی، اولر نینگ اوز اویی گه قیتیشی یخشی بیر آدیم دیر.»
پاکستان ده افغانستان ایلچیخانه‌سی نینگ معلوماتی اساسیده، پاکستان دولتی نینگ افغانستان‌لیک قاچقین‌لر نینگ جبر دن چیقریش قراری دن حاضرگچه، ۲۵۰ مینگ کیشی اختیاری و جبری روشده چمن_اسپین‌بولدک و تورخم بندرلری دن افغانستان گه قیتیب کیلگنلر.
