پاکستان تشقی ایشلر وزیرلیگی، افغانستان تامانیدن دیورند چیزیغی تن آلینمسلیگی گه دایر سرپرست حکومت تشقی ایشلر وزیرلیگی سیاسی اورین باسری نینگ بیانات‌لری گه مناسبت بیلدیریب ایتیشیچه، افغانستان و پاکستان آره‌سیده‌گی چیگره گه دایر هر قنده‌ی ادعالر، خلق‌ارا حقوقی واقعیت‌لرنی اوزگرتیره آلمه‌یدی.
بیزلرنینگ فیسبوک صحیفه‌میزگه باش اورینگ!
پاکستان تشقی ایشلر وزیرلیگی، بوگون (شنبه، ۲۸-دلو) بیر بیانیه ترقهتیب اوشبو وزیرلیک سوزلاوچیسی ممتاز زهرا بلوچ دن نقل قیلیب یازیشیچه: «افغانستان و پاکستان آره‌سیده‌گی چیگره گه دایر هر قنده‌ی ادعالر، خلق‌ارا حقوق نی اوزگر تیره آلمه‌یدی.»
ممتاز زهرا بلوچ گه کوره، اسلام امیرلیگی رسمی‌لری دیورند چیزیغی حقیده بحث قیلیش اورنیده پاکستان نینگ خوفسیزلیک خواطرلری گه جواب قیتیریشی کیره‌ک.
بیزلرنینگ «ایکس» ترماغی ده هم تعقیب قیلینگ!
سرپرست حکومت تشقی ایشلر وزیرلیگی نینگ سیاسی اورین باسری شیرمحمد عباس استانکزی، اوتگن هفته پنج‌شنبه کونی لوگر ده ۲۶-دلو افغانستان دن سابق ساویت اتفاقی قوشین‌لری نینگ چیقیشی ۳۵-ییل‌لیگی مناسبتی بیلن اوتکزیلگن احتفال ده، افغانستان دیورند چیزیغینی تن آلمسلیگینی ایتگن ایدی.
