مملکت جنوب شرقی‌ده اسلامی امارت نینگ ۲۰۳ منصوری قول اردو مسئوللری، دیورند چیزیغی یقیین‌لیگیده ینگی امنیتی پُستهلر ایجاد قیلیش‌لری نی اعلام قیلیشگن.
امنیتی مسئوللر ۸۵۰ حربی نینگ اوشبو قول اردو‌دن فراغت مراسمی ده ایتیش‌لریچه، مذکور پُستهلر دیورند چیگره‌سی نینگ امینتی نی تأمین‌لش اوچون خوست، پکتیا و پکتیکا ولایت‌لری نینگ ایریم منطقه‌لریده ایجاد بولیشی گه قرار قیلینگن.
بیزلرنینگ فیسبوک صحیفه‌میزگه باش اورینگ!
منصوری قول اردو قومندانی محمد‌ایوب خالد اوشبو ییغینده، ینگی فارغ بولگن حربیلرنینگ افغانستان توپراغیدن دفاع قیلیش اوچون دیورند چیزیغی یقینلیگیده جایلشتیریش‌لری خصوصیده ایشانچ بیرگن.
اونینگ اورغولشیچه، دیورند چیزیغی نینگ امنیتی نی تامین‌لش اوچون، نیچه امنیتی پُسته ایجاد بوله‌دی. اونگه کوره، اوشبو حربی‌لردن قطاری مذکور پُسته‌‌لرده موظف بولیش‌لری ممکن.
بیزلرنینگ توییترده هم تعقیب قیلینگ!
نیچه کون آلدین، پاکستان حربی‌لری خوست ولایتی سپری تومنی نینگ ۴ قیشلاغی گه هوایی هجوم اویوشتیرگن بیرحالده، اسلامی امارت مسئوللری دیورند چیزیغی یقینلیگیده امنیتی پُستهلر ایجاد بولیشی‌دن خبر بیرگنلر. عین حالده، شونینگدیک پاکستان کنر نینگ شلتن تومنی گه توپخانه‌یی هجوم‌لر اویوشتیرگن ایدی. اوشبو هجوم‌لر نتیجه‌سیده، باله‌لر و عیال‌لر شامل ۴۰دن آرتیق کیشی هلاک و بیر قطار کیشی ایسه یره‌لندی.
