خوست ولایتی سپیری تومنی نینگ وزیرستان مهاجرلر کمپی/اردوگاه یشاوچیلری نینگ سلام‌وطندار گه ایتیشلریچه، اوتگن کون (شنبه،۲۷_حمل) ایرتنگ چاغی ساعت ۳ اطرافیده پاکستان نینگ ایکی تیک‌اوچری اولرنینگ اویلرینی بمبارد قیلگن که نتیجه‌ده، عیاللر و باله‌لرشامل ۳۰ کیشی هلاک ایتیلیب و باشقه ۱۵ کیشی تن جراحتی کوتارگن.
اولرنینگ ایتیشلریچه اوشبو هجوملر عاقبتیده، کوپینچه یشش اوی‌لر بوتون شکل‌ده اورته‌دن کیتگن و عادی اهالی‌گه کوپینچه مالی زیان ییتیشگن دیر. اویی بمبارد بولگن اوشبو واقعه یره‌دارلریدن بیری مالی‌خان نینگ ایتیشیچه: «ساعت ۳ اطرافیده پاکستانی تیک اوچرلر بمب تشله‌دی. اوشبو واقعه‌ده ۳۰دن آرتیق کیشی هلاک و باشقه ۱۵ کیشی ایسه یره‌لنگن.»
بیزلرنینگ فیسبوک صحیفه‌میزگه باش اورینگ!
اوشبو واقعه‌ده یره‌لنیب و اویی بمبارد بولگنلردن باشقه بیری محمدرنگین نینگ ایتیشیچه: «ساعت ۳ اطرافیده ایدی و بیزلر سحری اوچون تورگن ایدیک که تیک اوچرلر کیلیب ۵ دقیقه‌ده اویی‌میز نی بمبارد قیلدی. مینی اوییم بوزیلدی، هیچ نرسه نی بیلمه‌یمین، بیراق اوشبو واقعه‌‌لر مندته، امیر سمد، مسی میله و شکونی قیشلاغلری گه اویوشتیریلگن. عایله‌م‌دن ۶ کیشی هلاک بولدی و یالغیز مین و باله تیریک قالدیک.»
خوست خوفسیزلیک مسئوللری پاکستان حربی کوچلری نینگ اوشبو ولایت مندته ، امیرسپر، پسی میله و شکونی قیشلاقلریگه قیلگن هجومی‌نی تصدیقله‌گنلر. خوست امنیه قومندانلیگی سوزلاوچیسی مستغفر گریز نینگ سلام‌وطندار گه ایتیشیچه، اوشبو هجوم‌لرده تلفاتی بار ایکن؛ بیراق حاضرگچه تلفات آماری بیللی ایمس.
شونده‌ی بیرحالده، کنر معلومات و مدنیت ریاست رئیسی قاری نجیب‌الله حنیف نینگ سلام‌وطندار گه ایتیشیچه، اوچ کون‌دن بویان پاکستان حربی‌لری اوشبو ولایت نینگ شلتن، مروره و ناری تومنلریده توپخانه‌یی هجوملر اویوشتیرگنلر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه، اوتگن کیچه اوشبو ولایت شلتن تومنیده پاکستان حربی‌لری نینگ هجوم‌لریده، یشش منطقه‌لر هدف آستیده قرار تاپیب و نتیجه‌ده، عیاللر و باله‌لر شامل ۵ کیشی هلاک بولگن. شونینگدیک اوشبو توپخانه‌یی هجوم‌لرده باشقه بیر کیشی ایسه یره‌لنگن.
کنر معلومات و مدنیت ریاست رئیسی ننگ ایتیشیچه، اوشبو ولایت محلی ادره رسمی‌لری بو موضوع نی اسلامی انارت مرکزی رسمی‌لری بیلن شریک قیلگنلر و اونینگ حل بولیشی اوچون سعی و حرکت قیلماقده‌لر.
پاکستان دولتی حاضرگچه خوست و کنر گه اویوشتیریلگن هجوملری و افغانستان هوایی حریمی نینگ نقضی حقیده هیچ بیر نرسه دیمه‌گن.
ایتیش کیره‌ک که پاکستان نیچه ییلدن بویان افغانستان چیگره حدودلریگه راکتی هجوم قیله‌دی که اوشبو هجوملر عادی اهالی گه کوپینچه جانی و مالی زیان ییتشتیرگن.
