اسلام امیرلیگی ایکینچیلیک وزیرلیگی هیئتی اوزبیکستان گه قیلگن سفری دایره‌سیده اوشبو مملکتده محصولات ایشلب چیقرووچی مرکزلرنی یقیندن باریب کورگن.
وزیرلیک، بوگون بیر بیانیه ترقه‌تیب، بو هیئت اوزبیکستان‌نینگ اندیجان ولایتی اساکه تومنیده جایلشگن صناعت، چارواچیلیک، ایکینچیلیک و ایشلب چیقرووچی مرکزلرنی یقیندن باریب کورگنینی معلوم قیلگن.
بیانیه گه کوره، مملکت ایکینچیلیک وزیرلیگی هیئتی، پخته و ایکینچیلیک محصولات‌لرینی ایشلب چیقریش همده قیته ایشلش فابریکه‌سی، زراعت گه عاید ایسیقخانه‌لر مجموعه‌سی و قیزیل قلمپیرنی قیته ایشلش فابریکه‌سی بیلن تنیشگن.
اوشبو هیئت شونینگدیک، تامچیلتیب سووغاریش تیزیمی، سوو منبعلری باشقریلیشی، تجارتی باغدارچیلیکنی رواجلنتیریش، ساغلیق‌نی سقلش معیارلری و پرنده‌چیلیک بیلن تنشیب اوتگن.
محصولات ایشلب چیقریش مرکزلرنی یقیندن باریب کوریشدن مقصد، زمانه‌وی تکنالوژی و تجربه‌لر بیلن تنیشیش، تخنیک و ایشلب چیقریش امکانیت‌لرنی اورگه‌نیش، تجربه‌لرنی انتقال بیریش همده ایکینچیلیک، چارواچیلیک و صناعت ساحه‌لریده افغانستان و اوزبیکستان اورته‌سیده‌گی همکارلیکلرنی کینگه‌یتیریش دییلگن.
ایسله‌تیب اوته‌میز، اسلام امیرلیگی هیئتی ۱۶ عقرب/۷ نومبر، شنبه کونی اوزبیکستان دولتی‌نینگ رسمی تکلیفی بیلن بو مملکت گه بارگن.
