افغانستانده‌گی تورکی زبان خلقلری نینگ سیاسی و اجتماعی ساحه‌لر ده‌گی فعاللری آچیق مکتوب نشر قیلیب، افغانستانلیک تورکی زبان خلقلری نینگ «تېنگلیک، عدالتلی و ثمره‌لی اشتراکی» اوچون خلق‌ارا همجمعیت اعتبار قره تیشینی سوره‌گن.
میدیالرده ترقه‌لگن اوشبو مکتوب‌نی امضاله‌گن ۸۶ کیشی آره‌سیده بیلیم یورت استادلری، سیاسی شخصلر، شونینگدېک، سابق افغانستان حکومتی نینگ بیر قنچه یوقاری مرتبه‌لی عملدارلری اسملرینی کۉریش ممکن.
اولر افغانستان تورکی زبان خلقلری نینگ سیاسی، اجتماعی حیات‌دن، افغانستان نینگ حاضرگی و کېله‌جکده‌گی سیاسی احوالیگه بغیشلنگن مهم خلق‌ارا اوچره‌شوولر، کنفراسلر و سمینارلردن دایمی، اته‌یلب کمسیتیش و چېتلشتیریشگه چېک قۉییش اوچون «شاشیلینچ التماس» بیلن چیققنلر.
اولر «تورکی زبان خلقلری اۉزبېکلر، تورکمنلر، قیرغیزلر و قزاقلردن عبارت دېب افغانستان نینگ سیاسی اقتصادی واجتماعی بولیملریده سلماقلی روللری بارلیگینی اورغوله گنلر.
بیزلرنینگ فیسبوک صحیفه‌میزگه باش اورینگ!
اوشبو مکتوبده «افغان تورکلری تاریخن حکمران رژیملر تامانیدن کېنگ ترقه‌لگن کمسیتیش و عدالتسیزلیکلرگه دوچ کېلگن» دییله‌دی.
اسلامی امارت رسمیلری اېسه «اسلامی امارت»ده برچه قوملر وکیللری بارلیگینی بیر نېچه بار تاکیدله‌دی. اسلامی امارت باش وزیری نینگ اۉرین‌باسری عبدالسلام حنفی اسلامی امارت ده‌گی اېنگ یوقاری مرتبه‌لی اۉزبېک عملداری دیر.
مکتوبده افغان تورکلری «۲۰۰۱-ییلده اسلامی امارت نی مغلوب ایتیش‌ده فوق العاده رۉل اۉینه‌گنی»، شونینگدېک، «سۉنگگی ییگیرمه ییل ایچیده شمالی ولایتلرده قیزلر نینگ همه‌سی مکتبده اۉقیگنلیگی و اۉزبېک عیاللری تورلی تشکیلاتلرده وزیر صفتیده ایشله گنلری» تأکیدلنه‌دی. حکومت کابینه سیده.”» اېندی اېسه اولر «اسلامی امارت تامانیدن اۉزباشیمچه‌لیک بیلن حبسگه آلیشلر، قییناقلر و قاتللیکلرگه» دوچ کېلیشماقده دیب تاکیدلنگن.
همده اسلامی امارت حاکمیت‌نی آلگندن بیری تورکلر کمسیتیش، جزالش و انسان حقلری ایاق آستی بۉلیشگه روپه‌ره بولیشدی. اولر نینگ یېرلری و ییلاولری جنوبی مهاجرلر و کۉچمنچیلر تامانیدن زۉرلیک بیلن تارتیب آلینگن. اولر افغانستان شِمالیده‌گی اۉز آته-بابا یورتلریدن مجبورن کۉچیریلدی»، – دېه ادعا قیلینگن.
اولر نینگ طلبلری نیمه؟
خلق‌ارا همجمعیت نینگ افغانستانده‌گی تورکی زبان خلقلر احوالیگه اعتباری.
افغانستانده‌گی تورکی زبان خلقلری نینگ حقلری ایاق آستی ایتیلیشی، جمله‌دن، مقصدلی هجوملر و مجبوری کۉچیریلیشینی نظارت قیلیش.
تورکی زبان خلقی نینگ افغانستان بیلن باغلیق برچه سیاسی، اقتصادی و اجتماعی جریانلرده ثمره‌لی اشتراکی.
اۉزبېک وتورکمن عالملری، سیاسی یېتکچی و تحلیلچیلر نینگ محنتینی اعتراف اېتیش.
مملکت شمالیده‌گی تورکی زبان خلقی حاضرده جدی مشکلاتلر جمله دن قششاقلیک بیلن دوچ کېلماقده. یاردمچی تشکیلاتلر بوخصوصده اعتبار قره تیشی کیره ک.
بیزلرنینگ توییترده هم تعقیب قیلینگ!
مکتوبده، شونینگدېک، «اسلامی امارت کېلیشی بیلن بو اېتنیک گروهلر نینگ مدنیتی و تیلی اولگیدن کۉره کۉپراق چېتگه سوریلیب، اولر مدنی تبعیضگه اوچره‌گن» دییله‌دی.
شو بیلن بیرگه، مؤلفلر عامه‌وی خبر واسطه‌لری نینگ اوشبو مسأله‌لرگه اعتبار بېرمه‌یاتگنینی تنقید قیلیب، بو معمالر عامه‌وی خبر واسطه‌لری و انسان حقلری تشکیلاتلری حساباتلریده کم عکس اېتگنینی یازگن.
فاریاب، جوزجان و سر پل ولایتلریده اسلامی امارت نینگ بیرقطار اۉزبېک و تورکمن اعضاسی اساسی حربی و ملکی لوازملرده وظیفه بجره یاتگنی ایتیله دی.
شونگه قره‌مه‌ی، سۉنگگی آیلرده اسلام امارت نینگ اوزبیک قوماندانلری و اسلامی امارت نینگ مرکزی حکومتی اۉرته‌سیده‌گی مخالفتلر حقیده خبرلر نشر بۇلگندی. بو واقعه‌لردن بیری اسلامی امارت نینگ فاریابده‌گی مشهور محلی قوماندانی مخدوم عالم نینگ حبسگه آلینیشی بۉلیب، بو فاریاب ولایتی نینگ مرکزی میمنه شهریده عامه‌وی ناراضیلیکلرگه سبب بۉلدی.
