خلق‌ارا کیچیریم تشکیلاتی عیاللر خلق‌ارا کونی مناستبی بیلن، دنیا برچه دولت‌لریگه نامه یولب، برچه مملکت‌لردن افغانستان خاتین قیزلری نینگ حقوقی نی مقدم توتیب آرقه‌داش‌لیک قیلیش‌لری نی سوره‌گن.
خلق‌ارا کیچیریم تشکیلاتی بوگون بیر بیانه ترقه‌تیب ایتیشیچه، ۸۰ مینگ دن آرتیق عیال حقوقی فعاللری مذکور نامه گه قول قوییگن. اوشبو نامه‌ده بیرلشگن ملت‌لر تشکیلاتی‌دن افغانستان عیاللری یانیده توریب واسلامی امارت‌نی عیاللر حقوقی نی ایاق آستی قیلیش‌لری سبب جواب گرلیک گه تارتیش نی سوره‌گن.
بیزلرنینگ فیسبوک صحیفه‌میزگه باش اورینگ!
خلق‌ارا کیچیریم تشکیلاتی جنوبی آسیا بولیمی نینگ مسئولی یمینی میشرا گه کوره، اوتگن بیش آیده اسلامی امارت محدود قیلوچی سیاست نی عمل گه آشیریب، عیاللر نینگ ایرکین سفر قیلیش‌لری، خاتین قیزلرنی اوگنیش وایش قیلیش برابریده چیکلاو یره‌تیش بیلن سوز ایرکین‌لیگی نی کیسکین کوچ سیز قیلگن‌لر: «اسلامی امارت سیستماتیک شکلده خاتین قیزلر برابریده چیکلاو یره‌تیب اوتگن آلتی آی دوامی گه مملکت ده عیاللر نینگ ایکی سنه ده قولگه کیلتیرگن یوتوق‌لرینی اورته دن ایلتگن‌لر.»
خلق‌ارا کیچیریم تشکیلاتی نینگ تاکید قیلیشیچه، اسلامی امارت یوزه گه کیلگن دن کیین، خاتین قیزلر وزیرلیگی و انسان حقوقی کمیسیون نینگ یوق ایتگن‌لر.
اوشبو تشکیلات نینگ کوپه‌یتیریشیچه، اسلامی امارت دولتی و نادولتی اداره‌لر گه ایش لاوچی عیاللرنینگ ایش قیلیش لریگه توسیق بولیب و ۳ میلیون قیزباله نینگ تعلیم آلیش حقی دن محروم قیلگن‌لر. خلق‌ارا کیچیریم تشکیلاتی نینگ علاوه قیلیشیچه، اوشبو سرکوب قیلوچی عمل خلق‌ارا بشر حقوقی نینگ ایاق آستی قیله‌دی.
افغانستان سابق بشر حقوقی ایرکین کمیسیون نینگ کمیشنرلریدن بیری شبنم صالحی خلق‌ارا کیچیریم تشکیلاتی گه ایتیشیچه: «افغانستان خاتین قیزلری نینگ بشر حقوقی وضعیتی دن نظارت قیلیش اوچون دنیا جماعه‌سی نینگ اقدام قیلیشی کیره‌ک و بیرلشگن ملت‌لر تشکیلاتی تامانیدن عیاللر نینگ بشری حقوقی نظارت ایتیلیشی اوچون نظارتی بیر میکانیسم ایجاد ایتیلیب اسلامی امارت نینگ جواب گرلیک گه تارتیلیشی کیره‌ک.»
بیانه‌ده کیلیشیچه، اوتگن ایکی سنه گه ۳ میلیون‌دن آرتیق قیزباله تعلیم تربیه گه قول تاپگن و عیاللر مملکت‌ده اقتصادی اجتماعی، سیاسی بولیم‌لرده سلماقلی حصه قوشیش گه قادر بولگن‌لر.
افغان عیاللری وکیل، شفاکار، قاضی، معلم، انجنیر، سپورتچی، سیاستچی، عسکر و خبرنگار صفت ده ایش قیلگن‌لر.
بیراق حاضر دنیاجماعه‌سی عیاللر خلق‌ارا کونی‌دن نشانله‌یدی، شونده‌ی بیرحالده، افغانستان خاتین قیزلری بشر حقوقی گه ایگه ایمسلر. اونگه علاوه ظلم و زوراوانلیک بیلن روپه‌رو دیرلر.
بیزلرنینگ توییترده هم تعقیب قیلینگ!
سونگی کونلرده بیرقطار عیاللر انتقامی هجوم‌لر بیلن روپه‌رو بولگن و اسلامی امارت یوزه گه کیلگن‌دن ۷ آی اوترایکن خاتین قیزلر ییل‌لرچه سنه دن یوقالیشی توغریسیده خواطرلرکوپه‌یب کونده‌لیک وحشت گه اوزگرگن دیر.
شونده‌ی بیرحالده، اسلامی امارت افغانستان‌ده حاکم بولگن‌دن کیین عیاللر نینگ ایش فعالیت‌لری برابریده کوپینچه چیکلاولر یره‌تیلگن دیر. اوتگن آلتی آیده عیاللرگه دولتی اداره‌لرگه ایش قیلیش و آلتی یاش دن یوقاری بولگن قیز اوقوچی‌لرگه مکتب باریش گه رخصت بیریلمه‌گن دیر.
