آلمان نینگ افغانستان اوچون ایلچیسی پوتزل مارکوس، اسلامی امارت کوچلری تامانیدن اعتراضچی عیاللر قولگه آلینیشی گه مناسبت بیلدیریب، «تنقیدچیلر گه دشمن صفتیده قره‌مسلیک» کیره‌ک دیگن.
او توییتری‌ده یازیشیچه، اعتراضچی عیاللر یوقالیشی یا اولدیریلیشی ناقانونی و عدالت سیزلیک دیر. آلمان ایلچیسی نینگ تاکیدلشیچه، دنیا اسلامی امارت حرکت لرینی دقت بیلن کوزه‌تماقده.
عین‌حالده، آمریکا قوشمه ایالت‌لری نینگ افغانستان اوچون مخصوص نماینده‌سی رینا امیری، اسلامی امارت تامانیدن اعتراضچی عیاللر حبس گه آلینیشی عدالت سیزلیک دیب و اوشبو جریان گه چیک قوییلیشینی سوره‌گن.
بیزلرنینگ فیسبوک صحیفه‌میزگه باش اورینگ!
او نینگ ایتیشیچه، اسلامی امارت مردم و جهان تامانیدن مشروعیت گه تانیلیشنی ایستسه، افغانستان فقرالری اینیقسه عیاللر و سوز ایرکین لیگیگه حرمت قیلیشی کیره‌ک.
عین‌حالده، گزارش‌لر اساسیده، اسلامی امارت قریب اوچ هفته‌دن بویان کمیده تورت اعتراضچی عیال و اولر نینگ قطار قرینداش‌لرینی قولگه آلگن. حبس‌گه آلینگن عیاللر تقدیری حاضرگچه نامعلوم قالماقده.
بیزلرنینگ توییترده هم تعقیب قیلینگ!
مذکور عیاللر قولگه آلینیشی ایچکی و خلق‌ارا عکس العمل‌لرگه روپه‌رو بولگن. بیرلشگن ملت‌لر تشکیلاتی، خلق‌ارا کیچیریم تشکیلاتی و باشقه بیرقطار نهادلر و شخص‌لر، اوشبو عیاللر حبس‌گه آلینیش دلیلی و اولر تیزلیک بیلن قویباریلیشینی سوره‌گنلر.
