افغانستان عیاللری نینگ بیرلشتیریش اجماعسی بوگون کابلده بیر ییغین یولگه قویش بیلن، ینه بیرمرته اولرنینگ حکومت گه سهم بیریشلری نی سورهگنلر.
افغانستان عیاللری نینگ بیرلشتیریش نهاد اعضاسی مژگان یوسفزی نینگ ایتیشیچه، سابق نظامده اولرگه حقلری نمایشی بیر شکلده بیریلگن و اسلامی امارت بو توغریده جدی توجه قیلیشی کیرهک.
خانم یوسفزی گه کوره، اسلامی امارت تینچ بیر فضا ایجاد قیلیش بیلن حکومتده، عیاللرگه سهم بیریشی اوچون شرایط فراهم قیلیشی کیرهک. باشقه بیرتاماندن، افغانستان عیاللری بیرلشتیریش نهادی نینگ اجرایی رئیسی تاجور کاکر، معارف و عالی اوقوو وزیرلیگی ده ایکی عیال معین تنلنیشی نی تکلیف بیرگن.
بیزلرنینگ فیسبوک صحیفهمیزگه باش اورینگ!
شونینگدیک اونینگ ایتیشیچه، اوقووچیلر گه درس بیریش اوچون مکتبلر نینگ ابتداییه دورهسی، عیال اوقیتووچیلرگه بیریلیشی کیرهک.
خانم کاکر گه کوره، عیاللرنی کوچلنتیریش اوچون اجرا ایتیلهدیگن پروژهلرنی عیاللر مدیریت قیلیشی کیرهک. بو توغریده اسلامی امارت سوزلاوچیلری نینگ فکری نی آلیش ایستهدی، بیراق موفق بولمهدیک.
اسلامی امارت حکومت چارچوبهسیده عیاللر شامل ایتیلیشی اوستیگه اورغولهگن بیرحالده، بیراق نیچه پیت آلدین سرپرست کابینه نینگ اعلامی اساسیده، عیاللر وزیرلیگی اولرنینگ تامانیدن حذف ایتیلدی.