فاریاب مرکزی میمنه شهریده بیر عیال، کلچه پیشیریش ایشخانهسینی آچیش بیلن اوزی و باشقه قیزلرگه درآمد تاپیش زمینهسینی یرهتگن.
۱۲-صنفگچه اوقیگن فاریاب ولایتی یشاوچیسی بولمیش بصیره امیدنینگ ایتیشیچه، ایکی ییل آلدین ایشسیزلیکدن قاچیش و عایله اقتصادی قیینچیلیکلرینی حل قیلیش اوچون ۵ مینگ افغانی سرمایه بیلن «امید» کلچه پیشیریش ایشخانهسینی آچگن. اونینگ کوپهیتیریشیچه: «اقتصادی وضعیتیمیزنینگ یخشی بولمهگنی اوچون بیران ایش قیلیشگه قرار آلدیم؛ هیچدن باشلهدیم و یالغیز بیر تغییر کیلتیریشنی توشینهر ایدیم.»
ییتی کیشیلیک عایله سرپرستی بولگن بصیره گه کوره، امید ایشخانهسیده ایشلشدن آیده ۱۵ مینگ افغانی قولگه کیلتیریب و اونینگ بیلن اوزی همده عایلهسینینگ صرف-خرهجتینی تامین قیلهدی.
امید ایشخانهسیده تیارلنهدیگن کلچه، ساتیلیش اوچون فاریاب بازارلریگه یوباریلهدی؛ مذکور کلچهلر ایسه کون اوتیشی بیلن کوپینچه مشتریگه ایگه بولهدی.
اوشبو ایشخانه، تعلیمدن محروم قالگن باشقه تورت قیزگه هم کلچه پیشیریش و ایشلش امکانیتینی یرهتگن. نیچه آی آلدین امید ایشخانهسیده ایش بیلن شغللنگن ۱۹ یاشر حدیثهنینگ ایتیشیچه، کلچه پیشیریش بیلن عایلهسیگه یاردم بیریش مقصد سعیوحرکت قیلماقده. هر کونی ۶-۷ ساعت ایشلهیمن؛ بو ایش عایله اقتصادیمگه یاردم بیرهدی؛ بوندن آلدین یالغیز آتهم ایشلهر ایدی، بیراق حاضر مین هم یاردم بیرهمن و اقتصادی وضعیتیمیز یخشیراق بولگن.»
امید ایشخانهسیدهگی ایشلاوچیلردن باشقه بیری ۲۰ یاشر زرغونهنینگ ایتیشیچه: «بوندن آلدین هیچ ایشیم یوق ایدی؛ بیراق حاضر عایلهم گه یاردم بیره آلهمن؛ بو ایش بیزلر اوچون کوپ مهم دیر؛ چونکه اوی صرف-خرهجتی کوپ و اوشبو درآمد بیزلر اوچون کته بیر کمک دیر.»
امید ایشخانهسی ایشلاوچیلرینینگ کوپهیتیریشلریچه، مذکور ایشخانهده کوپینچه قیزگه ایش زمینهسی یرهتیلیشیگه امیدوارلر؛ بصیره امیدگه کوره، امکانیتلر یرهتیلیشی بیلن اونی عملگه آشیریشی ممکن. «کته قیینچیلیگیمیز امکانیت و سرمایه آزلیگی دیر؛ یخشیراق امکانیتیمیز بولسه و حمایت بولگنیمیز صورتده، ایشخانهنی کتهراق قیلیب و کوپینچه قیزگه ایش زمینهسینی یرهته آلهمیز.»
اوتگن تورت ییلدن آرتیق وقتده، عیاللر و قیزلردن قطاری کیچیک تجارتلرنی یولگه قوییش بیلن، نیازلرینی تامینلش و اقتصادی فعالیتلرگه حصه قوشیش بوییچه حرکت قیلگنلر.
شوندهی بیرحالده، اقتصادی مسئلهلر بیلرمانلردن قطارینینگ ایتیشلریچه، کیچیک فعالیتلر عیاللر اقتصادی امکانیتی آشیریلیشیگه سبب بوله آلهدی.
اقتصادی مسئلهلر بیلرمانلریدن احمدمبین احمدینینگ ایتیشیچه: «اوشبو ایشخانهلر کبی کیچیک کسب-کارلر، محلی اقتصادنینگ اساسی ستونلریدن دیر. مذکور فعالیتلر ایشزمینه یرهتیلیشیگه سبب بولهدی و حمایت بولگنی صورتده، قشاقلیک کمهیشی و اقتصادی رواجلنیشده ییریک اورینگه ایگه بولیشی ممکن.»
اسلام امیرلیگینینگ قدرت گه ایریشگنیدن کیین، کیچیک تجارتلر افغانستان دهگی عیاللر درآمد قولگه کیلتیریشی اوچون بار کاناللریدن بیریگه اَیلنگن.
