بلخ ده بیرلشگن ملت‌لر تشکیلاتی نینگ ترقیاتی برنامه‌لر بولیمی مسئوللری گه کوره، تدبیرکار عیاللرنی قوللب_قوتلش اوچون، ۱۵ تولیدی ایشخانه نی سولری برق بیلن تامینله‌گنلر.
مزارشریف ده یوان‌دی‌پی دفتری نینگ ساحوی مسئولی وهیب‌ال ایرانی نینگ ایتیشیچه، بو ایشلری‌دن اساسی مقصد ایشخانه‌لر نینگ برق قیینچیلیگینی حل قیلیش دیر و اوشبو سیستم قریب ۲۲۵ مینگ دالر خره‌جت کوتارگن.
بیزلرنینگ «ایکس» ترماغی ده هم تعقیب قیلینگ!
وهیب‌ال ایرانی نینگ کوپه‌یتیریشیچه: «کیچیک تجارت‌لر شکللنیشی مهم دیر، عیاللر نینگ خودکفا بولیشی گه قوشیمچه، خاتین قیزلر گه ایش فرصت‌لری یره‌تیله‌دی و بیز هردایم بو کبی ایشلرنی قوللب_قوتله‌یمیز.»
تدبیرکار عیاللردن بیرقطاری نینگ ایتیشلریچه، تیکووچیلیک و تولیدی ایشلرینی کینگه‌یتیریش بیلن، اسلام امیرلیگی تامانیدن یره‌تیلگن چیکلاولردن کیین قوللب_قوتلنیش گه نیازمندلر.
اوشبو برنامه‌دن فایده‌لنگن تدبیرکار عیاللردن قطاری گه کوره، بو اقدام اولر نینگ فعالیت‌لری اوستیگه مثبت تاثیر قیلگن.
بیزلرنینگ فیسبوک صحیفه‌میزگه باش اورینگ!
بلخ ده تیکووچیلیک ایشخانه‌لردن بیری نینگ مسئولی گه کوره، ایشخانه‌لری سولری برق بیلن تامینلنمس‌دن آلدین، هر آی ۲۰ مینگ افغانی توللر ایکنلر.
برچه‌سی بیلن، مذکور ایشخانه‌ده ایشله‌یدیگن عیاللر، ایچکی و تشقی برچه نهادلردن اولر نینگ تولیدی ایشخانه‌لرینی حمایت قیلیش بیلن عیاللر گه ایش فرصت‌لرینی یره‌تیش نی سوره‌یدیلر.
