بلخ مرکزی مزارشریف شهریده عیاللر گه تیگیشلی مخصوص بیر بازار، رابعه بلخی بازاریده ۴۰ عیال اوچون تیکووچیلیک اورگه‌تیش و تولیدی بیر مرکز آچیلگن.
رابعه بلخی بازار مسئولی حبیبه امینی نینگ ایتیشیچه، اسلامی امارت حاکمیتی‌دن کیین، بو بیریینچی مرته دیر که عیاللر اوچون تیکووچیلیک اورگتیش بیر مرکز یولگه قویلگن. اونگه کوره، مذکور اقدام عیاللر نینگ تعلیم و اقتصادی فعالیت‌لر گه تشویق و علاقه‌مند بولیشلری گه سبب بولگن.
امینی نینگ ایتیشیچه، مذکور تعلیمی مرکز ایکی بولیم‌ده فعالیت قیله‌دی؛ کمیده ۳۰ عیال تیکووچیلیک بولیمیده ایش اورگنه‌دی و کییم تولید قیلووچی بولیمیده ایسه باشقه ۱۰ کیشی ایش گه مشغول دیر.
بیزلرنینگ توییترده هم تعقیب قیلینگ!
مذکور مرکز نینگ تعلیمی بولیم مسئولی زهرا حسینی، شونینگدیک خورسندلیک بیلدیریب ایتیشیچه، اوشبو مرکز نینگ ایجادی بیلن بیر ایش گه صاحب بوله‌آلگن.
او، تیکووچیلیک وسیله‌لر و مادی امکانیت یوقلیگی نی اوشبو مرکز نینگ قیین‌چیلیگی دیب و یاردم بیرووچی نهادلردن عیاللر نینگ اقتصادی پیشرفتی و یخشی روحیه بیلن کوپ سعی و حرکت قیلیشلری اوچون، اولر گه آز مدتلی و اوزین مدتلی قرضه‌لر بیریشلری نی سوره‌گن.
شونده‌‌ی بیرحالده، مذکور مرکز گه تیکووچیلیک اورگنیش اوچون کیلگن ۱۲-صنف اوقووچیسی زهره، بو مرکز نینگ یولگه قویلگنیدن خورسندلیک قیلیب و ایتیشیچه، مکتب درسلری گه علاوه، شونینگدیک تیکووچیلیک بیلن هم اقتصادی قیین‌چیلگی نی حل قیله‌آله‌دی.
باشقه بیر تاماندن، مزارشریف بلدیه‌سی قدرت‌الله طارق، اوشبو تیکووچیلیک مرکز نینگ افتتاح‌سی بیلن، عیاللر نینگ اقتصادی فعالیت‌لریدن حمایت قیلیب و اولر نینگ ایش زمینه‌سیده قیین‌چیلیگی نی حل قیلیش خصوصیده سوز بیرگن.
بیزلرنینگ فیسبوک صحیفه‌میزگه باش اورینگ!
اونینگ اورغولشیچه، بوتون عیال‌لرگه اسلامی شریعت چارچوبه‌سیده اجتماعی و اقتصادی فعالیت‌لر فرصتی بیریله‌دی که بولردن بیر نمونه‌سی ایسه اوشبو تعلیمی و تولیدی تیکووچیلیک دیر.
اسلامی امارت حاکمیتی و عیاللر نینگ ایش و فعالیتی گه چیکلاو یره‌تیلگنیدن کیین، بیرنچی مرته دیر که، رابعه بلخی بازاریده عیاللر گه خاص تولیدی و تعلیمی بیر مرکز یولگه قویلگن.
شونینگدیک بوندن آلدین، عیاللر رابعه بلخی بازاریده ایش گه مصروف ایدیلر، بیراق اسلامی امارت نینگ قدرت گه ایریشگنی بیلن اولر ایشلری نی ترک قیلگن ایدیلر.
