فاطمه محمدی فراه ولایتیده اوقیتووچی‌لیک قیله‌دیگنلردن بیری دیر. او، ۱۶ ییلدن بویان اوشبو ولایت مکتب‌لریده اوقیتووچی‌لیک قیله‌ریدی، لیکن افغانستانده اسلامی امارت حاکم بولگنیدن سونگ، فاطمه اوقیتووچی‌لیک حقوقی‌نی قولگه کیلتیره آلمه‌گن و اوندن سونگ، تیکووچیلیک (خیاطی) ایشخانه‌سیگه باریب ایش‌لشگه مجبور بولگن.

فاطمه عایله‌سی نینگ خره‌جتی‌نی تامین‌لش اوچون ایرته‌دن باشلب آقشام گچه اوشبو ایشخانه‌گه فعالیت قیله‌دی.

اونینگ ایتیشیچه: «بیز یوزده یوز نامید بولگن‌میز؛ چونکه بوتون اوقیتووچی‌لر معاش آله‌دیلر و اونینگ اساسیگه مصرف قیله‌دیلر و نیچه آی‌دن بویان همه نرسه‌میز صفر بولگن و کوپ نامید بولگن‌میز و حتا مملکتدن قاچیش‌گه قصد قیلدیک؛ لیکن وطن سیووگی‌سی بولگنی سبب، قالدیک و انه‌شوو باعث، هنری ایش‌گه یوز کیلتیردیگ و انشالله تیکووچی(خیاط) بوله‌میز.»

شونینگدیک، فراه ولایتیده اوقیتووچی‌لر و بیلیم یورت اوقووچی‌لریدن بیرقطاری تحصیل‌لرینی دوام بیره آلمسلیگی‌نی بیلدیره‌دیلر. اولرنینگ ایتیش‌لریچه، باشقه شغل اورگه‌نیشگه علاقمند بولگنلر.

اولر، اسلامی امارت مسووللریدن، فراه ولایتیده قیزلرگه تعلیم کوریش‌لری اوچون زمینه یره‌تیشلرینی سوره‌گنلر.

اوقووچی‌لردن بیری فریبا نینگ ایتیشیچه: « کیله‌جکدن نامید بولگن‌میز؛ چونکه تعلیم کوره آلمه‌یمیز و کیله‌‎جکده هیچ‌بیر نرسه بوله آلمه‌یمیز.»

مذکور تیکووچیلیک ایشخانه‌ مسوولی گلالی نینگ ایتیشیچه، تیکووچیلیککه علاقمند عیال‌لر و قیزلرگه اورگه‌تیش اوچون سعی و حرکت قیله‌دی.

اونینگ ایتیشیچه، بو ایشخانه‌نی شخصی هزینه‌سی بیلن توزه‌تگن و حاضرده اوقیتووچی‌لر و اوقووچی‌لر شامل ۲۰ کیشی ایش اورگه‌نیش اوچون سعی و حرکت‌ قیله‌یدیلر.

اوشبو تیکووچیلیک مسووللری نینگ ایتیش‌لریچه، اولر بو تیکووچیلیک آرقه‌لی عیاللر و قیزلرگه شغل ایجاد قیلیش اوچون سعی و حرکت قیله‌دیلر.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام