جوزجان صناعت و سوداگرلیک ریاستی مسئوللری نینگ ایتیشلریچه، اوشبو ولایت مرکزی و تومن‌لریده قالین توقووچی عیاللر سانی کوپه‌یگن. مسئوللر گه کوره، جوزجان ده عیاللر آرقه‌لی توقیلگن قالین‌لردن ۶۵ فایزی، پاکستان گه صادر بوله‌دی.
جوزجان صناعت و سوداگرلیک رئیسی نیازمحمد تواب نینگ سلام‌وطندار گه ایتیشیچه، قالین توقیش صناعتی‌ده عیاللر حضوری کون اوتیشی بیلن کوپه‌یه‌دی و اسلام امیرلیگی صناعتچی عیاللردن حمایت قیلیش خصوصیده، بیر قطار برنامه‌لری بار و اونینگ عمل گه آشیریلیشی ممکن.
بیزلرنینگ فیسبوک صحیفه‌میزگه باش اورینگ!
جوزجان صناعت و سوداگرلیک رئیسی گه کوره، عیاللر گه مخصوص بازار آچیلیشی، ملی و خلق‌ارا کورگزمه‌لر نینگ یولگه قوییلیشی، قول صناعتی رواجلنیشی و مملکت تولید‌لریدن حمایت قیلیش اوشبو برنامه‌لر نینگ بیر بولیمی دیر.
اونینگ کوپه‌یتیریشیچه: «جوزجان ولایتیده ۸۰ قالین توقیش دستگاه‌سی بار که ۱۳۰ مینگ کیشی قالین توقیش بیلن شغللنگن. بو آره‌ده اولردن آلتی مینگ ته سی نی ایرکک‌لر و قالگنی نی ایسه عیاللر تشکیل بیره‌دی.»
عین حالده، عایله‌لری نینگ خره‌جتی نی قالین توقیش بیلن تامین قیله‌دگن عیاللر، ماس بازار یوقلیگی و کون اوتیشی بیلن قشاق‌لیک نینگ کوپه‌یشی‌دن شکایت قیلیب و سرپرست حکومت و یاردم بیرووچی نهاد‌لردن، قول صناعتی گه ماس بازار و مالی حمایت بولینیشی نی ایسته‌گنلر.
جوزجان ده قالین توقووچی عیاللردن بیری فرزانه نینگ ایتیشیچه، قالین توقیش صناعتی کوپ زحمت و آز درآمدی بار و عیاللردن قطاری مجبورلیک سبب اوشبو صناعت گه یوز کیلتیریب و دوام بیره‌دیلر.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «بوندن آلدین کوپ یخشی ایدی و بازاری هم یخشی ایدی و اهالی بویوک قالین‌لر نینگ توقه‌ر ایدی. حاضر ایسه اهالی نینگ اقتصادی وضعیتی یخشی ایمس، اهالی قالین آلیش گه کوچی ییتمه‌یدی و قالین نرخی هم کوپ ارزان بولگن.»
جوزجان ده قالین توقووچی عیاللردن بیری بصیره، اسلام امیر‌لیگی‌دن ماس بازار یره‌تیلیشی، قالین بازاری رواجلنیشی و اونینگ افغانستان اسمی‌ده مملکت‌دن تشقی گه صادراتی خصوصیده عملی آدیم‌لر آلینیشی نی ایسته‌گنلر.
اونینگ کوپه‌یتیریشیچه: «ایش یوق. ایرکک‌لر هم ایش‌سیز دیر و بو ایش گه یوز کیلتیریش گه مجبورمیز. سونگی کون‌لر قالین بازاری یوق و ۱۰۰-۲۰۰ افغانی اوچون ایشله‌یمیز که اوشه هم غنیمت دیر.»
بو بیرینچی مرته ایمس که، قالین توقووچی عیاللر قالین صناعتی گه ماس بازار یوقلیگی‌دن شکایت قیلگن، بلکیم بوندن آلدین هم ولایت‌لردن قطاری‌ده قالین توقووچی عیاللر، بو صناعت خصوصیده دولت نینگ توجه قیلیشی نی ایسته‌گن ایدیلر.
