بغلان معلومات و مدنیت ریاستی و قالین توقووچیلر بیرلشمهسی مسئوللری تامانیدن اوتگن دوشنبه کونی، اوشبو ولایت مرکزی پلخمری شهریده، قالین توقووچیلر بوییچه نمایندهلیک دفتری آچیلیب و قالین صناعتی کورگزمهسی یولگه قوییلگن.
بغلان ولایتیده قالین توقووچیلر بیرلشمهسی مسئولی عارف غلامی، ماس بازار یوقلیگی باعث قالین توقووچیلر بو صناعتگه قیزیقمهیدی دیب ایتیشیچه، ۱۰دن آرتیق تومنده قریب بیش یوز قالین توقووچی عایله یامان اقتصادی وضعیتده قرار تاپگن و اولر گه ایش زمینهسی یرهتیلمهگن تقدیرده، مملکت نی ترک قیلیشلری ممکن.
بیزلرنینگ توییترده هم تعقیب قیلینگ!
بغلان قالین توقووچیلر بیرلشمهسی مسئولی نینگ کوپهیتیریشیچه، حاضرگی شرایطده عیاللر اوچون اینگ یخشی ایش، قالین توقیش ساحهسی دیر و اسلام امیرلیگی مسئوللریدن قول صناعتی ترقیاتی اوچون، ایش ساحهسیده نی آچیق قوییب و بازار تاپیش زمینهسی یرهتیلیشی نی ایستهگن.
باشقه بیر تاماندن، بغلان ولایتی معلومات و مدنیت ریاستی نینگ مدنیت و سیاحتچیلیک بولیمی آمری عزتمیر حقانی، اوشبو ولایتده قالین توقووچیلر ایشلریدن خورسندلیک بیلدیریب و اولر گه، یاردم و همکارلیک خصوصیده سوز بیرگن.
عین حالده، بغلان نینگ اوزاق تومنلریدن پلخمری شهری گه کیلگن قالین توقووچی عیاللردن قطاری نینگ ایتیشلریچه، کوپینچه اقتصادی قیینچیلیک بیلن روپهرهلر و اسلام امیرلیگی مسئوللریدن، تیزلیککه قیینچیلیکلری نینگ حل قیلینیشی نی ایستهیدیلر.
بیزلرنینگ فیسبوک صحیفهمیزگه باش اورینگ!
بغلان ولایتی قالین توقووچی عیاللردن بیری شکریه پیوندی، قالین توقیش نینگ عیاللر اقتصادی رواجلنیشی اوچون یگانه یول عنوان قیلیب ایتیشیچه: «حمایت بولگنیمیز صورتده، دنیا سطحی گه اینگ یخشی دیزاین بیلن تورلی قالینلری نی ایشلب چیقاره آلهمیز.»
ایتیش کیرهک که، بغلان ولایتیدهگی قالین توقووچی عیاللر حکومتی مسئوللر و قالین توقووچی بیرلشمه مسئوللریدن، ستندرد و مسلکی شکلده ایشلهیشلری اوچون اولر گه، بو بولیمده تعلیم بیرووچی مرکزلر نینگ ایجاد بولینیشی نی ایستهگنلر.