بغلان مرکزی پلخمری شهریده‌گی قالین توقووچیلردن قطاری نینگ ایتیش‌لریچه، قالین توقیش دستگاه‌سی و ایش ماده‌لری گه قول تاپه آلمه‌یشلری، اولر نینگ اقتصادی قیین‌چیلیک‌لری نی کوپه‌یتیرگن.
۱۰ ییل‌دن بیری قالین توقیش بیلن حیاتی نی اوتکزه‌دیگن پلخمری یشاوچیسی بولمیش نیک‌بخت، ایش ماده‌لری گه قول تاپه آلمه‌یش، اونینگ کوپینچه اقتصادی قیین‌چیلیک‌لر بیلن روپه‌ره قیلگنی نی بیان قیلگن.
اونینگ کوپه‌یتیریشیچه: «پاکستان گه مهاجرت قیلیب و قیته مملکتی‌میز گه قیتگنی‌میزدن ۱۱-۱۰ ییل بوله‌دی که، شونچه ییل‌دن بیری قالین توقه‌من. یخشی روزگار، اوی و دستگاه‌میز یوق. قالین توقیب و بازار گه ساتیش اوچون ماده‌لر نی ساتیب-آلالمه‌یمیز. قالین توقیب ساتگنیمیز پیتده، باله‌لریمیز گه درمان و اولر نینگ نان پولی تاپیله‌دی.»
بیزلرنینگ توییترده هم تعقیب قیلینگ!
بغلان ده قالین توقووچی عیال‌لردن باشقه بیری فرشته، ایکی ییل‌دن بیری اویی‌ده قالین توقه‌دی. اونینگ ایتیشیچه، شخصی دستگاه‌سی یوق‌لیگی سبب، هیچ بیر زمان خود‌کفا بوله‌‌آلمه‌گن.
اونینگ کوپه‌یتیریشیچه: «بو ییرده بیش کیشی‌میز، قریب ایکی ییل‌دن بیر قالین توقه‌میز. اوز ایاغی‌میزده توخته‌ش اوچون بیرینچی‌ده شخصی بیر ایش‌خانه ایسته‌یمیز. اهالی قالین توقیش بیلن کوپینچه قیین‌چیلیک‌لر بیلن دوچ دیر، جمله‌دن ماده کم‌لیک قیله‌دی و چنگگ یوق. قیین‌چیلیک کوپ دیر و توقیگنیز‌میز قالن‌دن بیر عیب چیقریب و پول نی آز بیریش اوچون تلاش قیله‌دیلر.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، بغلان قالین توقووچیلر بیرلشمه ریاست رئیسی محمد‌عارف، اوشبو ولایت‌ده قالین توقووچیلر قیین‌چیلیک‌لری نی تصدیق‌لب و اسلام امیرلیگی مسئوللریدن عیال‌لر قول صناعتی بازاری نی رواجلنتیریش‌لری نی ایسته‌گنلر.
اونینگ کوپه‌یتیریشیچه: «حکومت‌دن قول صناعت‌لر رواجلنیشی نی ایسته‌یمیز. قالین توقیش ایشی‌ده ۸۰ فایز عیال‌لر ایشله‌یدی. بیر عیاله‌دن بیر کیشی عیال دیر و یالغیز بیر تورموش اورتاغی ایشله‌یدی که، کراچی هیده‌ش بیلن اوی مصرف‌لری نی تاپه آلمه‌یدی. انه شوو قالین توقیش بار که اهالی عزت‌لی اوی‌لریده ایشلب پول تاپه آله‌دیلر.»
قالین توقووچیلر بیرلشمه‌سی نینگ آماری اساسیده، پلخمری شهریده قریب ۲ مینگ عایله قالین توقیش بیلن شغللنگن که، حاضرگچه اوشبو بیرلشمه‌ده اولر آره‌سیدن بیش یوز عایله آتی یازیلگن.
