بغلان ولایتی نینگ دوشی تومنیده جایلشگن پولیس کوچلریدن بیرقطاری نینگ ایتیش‌لریچه، شبهه‌لی بولگن بیرقطار موترلرنی توخته‌تگنلری سبب، کماندو کوچلری تامانیدن هجوم آستیگه قرار بیریلگنلر.
اولرنینگ ایتیش‌لریچه، کماندو کوچلری شدتلی اوروش دن سونگ، پوسته‌لرینی تخریب قیلیب و پولیس کوچلریدن بیرقطارینی بیر زرهی تانک و بیرقطار تجهیزات بیلن آلیب کیتگنلر.
پلخمری ولایتی کسلخانه داکترلریدن بیری محمدالله نینگ ایتیشیچه، بو واقعه ده یره‌لنگنلردن ۵ ته‌سی اوشبو کسلخانه گه انتقال بیریلگن و اولردن ایکی ته‌سی نینگ ساغلیک وضعیتی خواطرلنترووچی دیر.
عین‌حالده، محل یشاوچی‌لریدن بیرقطاری نینگ ایتیش‌لریچه، کماندو کوچلری نینگ هجوم‌لرینی شدتلی بولگنی سبب، اهالی طالبان نینگ هجوم قیلگنی‌نی توشینگن.
دوشی یشاوچی‌لریدن بیری عبدالخالق نینگ ایتیشیچه، بو واقعه جدی شکلده تیکشیریلیب و پولیش کوچلریدن عذر سورلمه‌گن صورتده، کینگ شکلده اعتراض بیلدیریش‌لری ممکن.
بغلان ولایتیدن امنیتی بیر منبع ایتیشیچه، بو واقعه‌نی تیکشیریش اوچون ولایت مقامی تامانیدن بیر هیات تشکیل تاپگن.
بوتوغریده کماندو کوچلری فکرینی آلیش اوچون سعی و حرکت قیلدیک، لیکن موفق بولمه‌دیک.
