بغلان ده‌گی عیاللردن قطاری، ۸ مارچ، خلق‌ارا خاتین قیزلر بیردملیک کونی مناسبتی بیلن، «اسلام نقطه‌ی نظریدن عیاللر حقوقی» عنوانی آتیده ییغین اوتکزدیلر. اوشبو ییغینده اشتراک ایتگن خاتین قیزلر بغلان ولایتی بویلب زوروانلیکلر دوامی و کیچیک یاشر قیزلر تومورش گه بیریلیشی‌دن خواطر بیلدیردیلر.
اوشبو ییغینده اشتراک ایتگن‌لردن مینا صدیقی نینگ ایتیشیچه، افغانستان‌ده خاتین قیزلر حقوقی، کوپراق عایله‌لری تامانیدن ایاغ آستی بوله‌دی و عیاللر حاضرگچه عایله‌وی زوروانلیکلر قربانی دیر. او نینگ کوپه‌یتیریشیچه، عیاللر برابریده زوروانلیکلر کوپه‌یب و وایه گه ییتمه‌گن قیزلر نینگ تورموش گه بیریش حاضرگچه دوام ایتماقده.
بیزلرنینگ فیسبوک صحیفه‌میزگه باش اورینگ!
احتفال‌ده حصه قوشگن‌لردن باشقه بیری زهره کریمی گه کوره، حکومت عیاللر برابریده‌گی زوروانلیک و عایله‌وی قیینچیلیکلرنی آلدینی آلیشی کیره‌ک.
مذکور عیاللر، اسلام نقطه‌ی نظریدن عیاللر حقوقی خصوصیده آگاهی‌لیک بیریش برنامه‌لر کوپه‌ییتریلیشینی سوره‌یدیلر. شونینگدیک اولر اسلامی امارت‌دن، اسلام نقطه‌ی نظریدن عیاللر اوچون قبول قیلینگن حقوق‌نی، اساسی روشده عملگه آشیریش‌لرینی سوره‌یدیلر.
عین‌حالده، بغلان ولایتی امر معروف و نهی منکر اداره‌سی نینگ شکایت‌لرنی تینگلش کمیسیون مدیری محمدحسن محمدی نینگ ایتیشیچه، اسلام باشقه دین‌لر گه نسبتن عیاللر گه کوپراق حق قایل بولگن و بو حقوق افغانستان عیال‌لری گه بیریلیشی کیره‌ک.
بغلان‌ده شکایت‌لرنی تینگلش کمیسیون مدیری نینگ تأکیدلشیچه، اوشبو ولایتده کیمسه عیاللرنی تعلیم و ایش گه باریشینی آلدینی آلیش گه حقی یوق دیر. اونگه کوره، مذکور ولایت محلی متصدی‌لری خاتین قیزلر نینگ قیینچیلیکلری اوچون سعی-حرکت قیله‌دی.
بیزلرنینگ توییترده هم تعقیب قیلینگ!
باشقه تاماندن، بغلان معلومات و مدنیت ریاستی نینگ آمری عبدالفتاح رحیمی گه کوره، عیاللر اسلام نقطه‌ی نظریدن قبول قیلینگن حقوق‌لریدن آگاهی‌لیک لری بولیب و بونگه اساس ایش و تعلیم گه دوام بیره آلهدیلر. او نینگ اورغولشیچه، بغلان ولایتی بویلب زوروانلیکلر و وایه گه ییتمه‌گن قیزلر نکاحینی آلدینی آلیش مقصدیده سعی-حرکت قیلیب و بو توغریده مردمی بویوک ییغین‌لرنی اوتکزیش اوچون ایریم ریجه‌لرنی نظرگه آلگن‌لر.
ایتیش کیره‌ک که سابق دولت سقوط قیلیشی و اسلامی امارت قدرت گه ایریشیشی بیلن، عیاللر نینگ قیینچیلیکلرینی حل ایته‌دیگن یگانه اداره یعنی خاتین قیزلر زویرلیگی حذف بولدی.
