اسلامی امارت تشقی ایشلر وزیرلیگی ۸-مارچ خلق‌ارا خاتین قیزلر بیردملیک کونی مناسبتی بیلن ترقه‌تگن بیاناتیده، اوشبو کون‌نی برچه عیاللر گه قوتلوغ بولسین دیگن. مذکور وزیرلیک نینگ تأکیدلشیچه، افغانستان بویلب اوزاق مدتلی اوروش‌لر، عیاللر گه کوپ نقصان ییتکیزگن.
اسلامی امارت تشقی ایشلر وزیرلیگی نینگ ایتیشیچه، افغانستان خاتین قیزلری نینگ قیینچیلیکلرینی حل قیلیب و اولر گه اسلام دینی قدریت‌لری و مملکت نینگ عرف-عادت‌لری اساسیده، آبرو-حیثیتلی تیریکچیلیک شرایطینی یره‌ته دیلر.
بیزلرنینگ فیسبوک صحیفه‌میزگه باش اورینگ!
عین‌حالده، خلق‌ارا کیچیریم تشکیلاتی بیر بیانه ترقه‌تیب ایتیشیچه، دنیا خلق‌ارا خاتین قیزلر کونیدن عین‌حالده نشانلماقده که، افغانستان عیاللری حقوق‌لریدن محروم بولیب و ظلم-زوروانلیک بیلن روپه‌رو دیر.
خلق‌ارا کیچیریم تشکیلاتی نینگ جنوبی آسیا بولیمی مسئولی یمینی میشرا نینگ ایتیشیچه، اوتگن ۶ آی‌ده، اسلامی امارت چیکلاو یره‌تیش سیاست‌لری، سوز ایرکین‌لیگی و آزاد سفر قیله آلمسلیک چیکلاولرنی یره‌تیش بیلن قیزلرنی تعلیم و ایش که قول تاپه آلمسلیکلرینی کوچ سیزلنتیرگن. او نینگ اورغولشیچه: «اسلامی امارت سیستماتیک روشده عیال و قیزلر گه قرشی تبعیض قایل بولیب و ۶ آی‌ده، مملکت بویلب خاتین قیزلر نینگ ایکی سنه یوتوق‌لرینی یوق ایتگن.»
بیزلرنینگ توییترده هم تعقیب قیلینگ!
خلق‌ارا کیچیریم تشکیلاتی نینگ تأکیدلشیچه، اسلامی امارت قدرت‌نی قولگه آلیشیدن کیین، خاتین قیزلر وزیرلیگی و افغانستان بشر حقوقی مستقل کمیسیونی‌نی یوق ایتدی. اوشبو تشکیلات گه کوره، اسلامی امارت شونینگدیک دولت و خصوصی اداره‌لر گه ایش اوچون عیال ایشلاوچیلری نینگ قیتیشی گه رخصت بیرمه‌ی و ۳ میلیون قیز نینگ عالی درگاه‌لر گه باریشی گه مانع بولگن‌لر. خلق‌ارا کیچیریم تشکیلاتی نینگ کوپه‌یتیریشیچه، بو گل ایش بشر حقوقی خلق‌ارا قانون-قاعده‌لرنی ایاغ آستی قیله‌دی.
باشقه تاماندن بیرلشگن ملت‌لر تشکیلاتی نینگ اورین باسرلیک هیأت دفتری یا یوناما، افغانستان بویلب خاتین قیزلر نینگ وضعیتی‌دن خواطر بیلدیریب ایتیشیچه، عیاللرگه تورلی ساحه‌لرده چیکلاو یره‌تیلگن. مذکور نهاد گه کوره، عیاللر گه اجتماعی، اقتصادی و سیاسی ساحه‌لرده سهم بیریلمه‌گن تقدیرده، دایمی تینچلیک و ثبات برقرار ایتیلیشی ممکن سیز دیر.
