افغانستان بوییچه بیرلشگن ملتلر تشکیلاتی نینگ خاص نماینده‌سی دیبرا لاینز نینگ ایتیشیچه، افغانستان‌لیکلر ارا سوزلشوولرنی تعیین‌لنگن زمانده قیته باشله‌نیشی کیره‌ک.
افغانستان بوییچه بیرلشگن ملتلر تشکیلاتی نینگ خاص نماینده‌سی خانم لاینز، اوشبو موضوعی اوتگن “پنجشنبه” کونی اوشبو تشکیلات خوفسیزلیک کینگشی ییغینیده بیان قیلگن. اونینگ ایتیشیچه، زوروانلیکلرنی کمه‌یتیریلیش موضوعی نی سوزلشوولر اوچون اولویت گه قرار تاپیشی کیره‌ک.
بیرلشگن ملتلر تشکیلاتی نینگ خاص نماینده‌سیگه کوره، زوروانلیکلر حاضرده هم تینچلیک جریانی برابریده بولگن قیین‌چیلیکلردن حساب‌لنه‌دی.
او، دنیا مملکت‌لریدن افغانستانده زوروانلیکلر کمه‌یتیریلیشی اوچون اوروش تامانلری اوستیگه بولگن فشارلر دوام قیلیشی کیره‌ک.
اونینگ تاکید قیلیشیچه، عیاللر، یاشلر، اقلیت‌لر و اوروش قربان‌لرینی تینچلیک جریانیده شریک بولیشی کیره‌ک.
خانم لاینز، تینچ اهالی نینگ تلفاتی کوپه‌یگنیدن خواطر بیلدیریب و اوتگن میلادی ییل نینگ ۱۱ آیده قره‌گنده تینچ اهالی تلفاتی ۴۰% کوپه‌یگن.
بیرلشگن ملتلر تشکیلاتی بویچه افغانستان نینگ دایمی نماینده‌سی عادله راز، بیرلشگن ملتلر تشکیلاتی نینگ خوفسیزلیک کینگشی ییغینیده افغانستانده زوروانلیکلر کمه‌یتیریشی اوستیگه تاکید قیلگن.
ایتیلیشیچه، بوندن آلدین آمریک حربی کوچلر باش قومندانی مارک میلی افغانستان جمهور رئیسی و طالبان نماینده‌لری بیلن اوچره‌شیب زوروانلیک کمه‌یتیریلیشی خصوصیده بحث قیلگن ایدی.
