۲۶-ثور، چهارشنبه کونی کابل ده چین ایلچیسی جاو شینگ، اسلام امیرلیگی باش وزیری نینگ سیاسی اۉرین باسری محمد عبدالکبیر بیلن اوچره‌شووده، ترانس هیمالیا ییغیلیشی ده قتنه‌شیشنی طلب قیلگن.
بو اوچره‌شووده محمد عبدالکبیر ترانس هیمالیا ییغیلیشی ده قتنش یا که قتنشمسلیگی خصوصیده هېچ نرسه دیمه‌گن بولسه ده، بیراق منطقه ثباتی اوچون باغلیق مسئله‌لر ده اسلام امیرلیگی نینگ فعال حضورینی مهم دیگن.
کابل ده چین ایلچیسی اسلام امیرلیگی باش وزیری نینگ سیاسی اۉرین باسری بیلن اوچره‌شووده مملکتی خلق‌ارا برچه ییغیلیش‌لرده اسلام امیرلیگینی قۉللب-قوتلشیدن ایشانچ بیرگن.
بیزلرنینگ فیسبوک صحیفه‌میزگه باش اورینگ!
اسلام امیرلیگی سۉزلاوچیسی حمدالله فطرت گه کوره: «بو اوچره‌شوده چین ایلچیسی خلق‌ارا ییغیلیش‌لر اینیقسه خوفسیزلیک ییغیلیش ده امارت نی قۉللب-قوتلش دن ایشانچ بیرگن و ایکّی مملکت نینگ قۉشمه همکارلیگی موجود قیینچیلیک‌لر حل بولیشی گه سبب بوله‌دی، سیاسی اۉرین باسر دن ترانس هیمالیا ییغیلیشی ده قتنه‌شیشنی تکلیف قیلگن.»
مذکور اوچره‌شووده اسلام امیرلیگی باش وزیری نینگ سیاسی اۉرین باسری، چین نینگ اسلام امیرلیگی بیلن همکارلیگی، افغانستان اقتصادی ده مثبت اۉزگریش کېلیب و رواجلنیشی گه سبب بولیشینی اېتگن.
اقتصادی ایش بیلرمان‌لر، ترانس هیمالیا ییغیلیشی ده افغانستان چقیریلیشینی سرپرست حکومت نینگ مملکت‌لر بیلن یقینلشووی اوچون یخشی فرصت بیله‌دیلر.
بیزلرنینگ «ایکس» ترماغی ده هم تعقیب قیلینگ!
اقتصادی ایش بیلرمان ظهور مدبر نینگ ایتیشیچه: «بو ییغیلیش دن مقصد، اقتصادی مناسبت‌لرنی مستحکم‌لش، اقلیم اۉزگریشینی باشقریش، منطقه‌وی باغلنیش دیر و چین اقتصادی مجرالرینی کېنگه‌یتیریش اوچون افغانستان یولیدن قوللنیشنی اېسته‌یدی.»
ترانس هیمالیا ییغیلیشی اۉتکزیلیش وقتی حاضرگچه بیللی بولگن بولمسه ده؛ بیراق اۉتگن ییل بو ییغیلیش میزان آی ده یولگه قوییلگن اېدی.
چین ده یولگه قوییله‌دیگن اوشبو ییغیلیش ده اقتصادیات، اقلیم اۉزگریشی و منطقه‌وی باغلنیش مسئله‌لری محاکمه قیلینیشی کوتیله‌دی.
ایتیش کېره‌ک، اۉتگن ییل اسلام امیرلیگی تشقی ایشلر وزیرلیگی سرپرستی اوشبو ییغیلیش ده قتنه‌شیب و مملکت‌لر اۉرته‌سیده اقتصادی و ترانزیتی قۉشمه همکارلیک بولیشینی سۉره‌گندی.
