روسیه «تاس» آژانسی اوشبو مملکت تشقی ایشلر وزیرلیگیده‌گی اۉزمنبع‌لریدن نقل قیلیب، عدلیه، تشقی ایشلر وزیرلیک‌لری و باغلیق نهادلردن بیرقطاری، بو مملکت نینگ «تروریزم» رویخطیدن اسلام امیرلیگی نینگ آتینی چېقریش مسئله‌سینی تېکشیرماقده‌لیگینی بیلدیرگن. بونگه قوشیمچه روسیه نینگ افغانستان اوچون مخصوص وکیلی ضمیر کابلوف، تاس آژانسی گه حاضر مسکو و کابل عصیانچی گروه‌لر گه قرشی کوره‌ش ده ترتیبلی شکلده همکارلیک قیلماقده‌لیگینی اېتگن.
خلق‌ارا ایش بیلرمان‌لردن بیرقطاری، مملکت‌لر نینگ بو کبی علامت کورسه‌تیشینی افغانستان نینگ حاضرگی قلتیس شرایط دن چیقیشی اوچون ینگی حرکت دیب بهاله‌یدیلر. اوشبو ایش بیلرمانلر اسلام امیرلیگی دن افغانستان نینگ حاضرگی قلتیس شرایط دن چیقریش اوچون بوکبی حرکت‌لردن فایده‌لنیب برابر و عدالتی ایچکی و خارجی سیاست اوینش گه تلاش قیلیش‌لرینی سۉره‌یدیلر.
بیزلرنینگ فیسبوک صحیفه‌میزگه باش اورینگ!
باشقه تاماندن اوشبو ایش بیلرمانلر نینگ ایشانچی گه کوره، دنیا مملکت‌لری اینقسه منطقه اولکه‌لر نینگ احتیاج‌لری و نیازمندلیک‌لری باعث افغانستان بیلن همکارلیک قیلیش گه مجبور بولیش‌لری ممکن. افغانستان‌ده خوفسیزلیک و عصیانچی‌لیک خواطرلر گه دقت قیلیش و رقیب مملکت‌لر نینگ نفوذی کمه‌یشی و مملکت‌لر نینگ اسلام امیرلیگی گه افغانستان فعال سیاسی کوچی اوله‌راق قره‌ش‌لری، مذکور مملکت‌لر نینگ اساسی احتیاج و نیازمندلیک‌لریدن سنه له‌دی.
خلق‌ارا ایش بیلرمان ولی فروزان گه کوره: «اسلام امیرلیگی اۉستیگه بیر تور رقابت تاپیلگن؛ امریکا شامل باشقه مملکت‌لر اسلام امیرلیگی کبی بیر کوچ یان‌لریده بولیش اوچون تلاش قیلماقده و بو کبی بیر کوچ نی هر مملکت یانیده بولیشنی اېسته‌یدی.»
بیزلرنینگ «ایکس» ترماغی ده هم تعقیب قیلینگ!
ایتیش کېره‌ک، حاضرگی کونده بیرلشگن ملتلر تشکیلاتی نینگ قاره رویخطی ده اسلام امیرلیگی ۲۴ اعضاسی نینگ آتی قید و شونینگدیک دنیا ده بیر قنچه مملکت‌لر انچه ییل‌دن بېری اسلام امیرلیگینی تروریزم قاره رویخطی گه کېریتگنلر. بوندن آلدین قزاقستان هم اوشبو مملکت تروریزم رویخطیدن اسلام امیرلیگی آتی چیقریلیشیدن خبر بیرگن؛ بیراق حاضرگچه عملی بولمه‌گن.
