اسلامی امارت سوزلاوچیسی ذبیح‌الله مجاهد، ینگی‌لیکده اسلامی امارت رهبری ملاهبت‌الله آخوندزاده دن نقل قیلیب یازیشیچه، اهالی تامانیدن توزه‌لگن قانون عملگه آشیریلمه‌یدی. بیانیه ده کیلیشیچه، اسلامی امارت حکومتیده «یالغیز الله نینگ حکمی عملگه آشیریله‌دی و برچه مشکل‌لر شریعت چارچوبه‌سیده حل ایتیله‌دی و شونینگدیک برچه قرارلر شریعت اساسیده آلینه‌دی.»
عین‌حالده، ایش بیلرمان‌لردن قطاری نینگ ایشانچی گه کوره، اسلامی امارت لیدری ملاهبت‌الله آخوندزاده نینگ سوزلری مردم و حکومت آره‌سیده اوزاق‌لیک ایجاد قیله‌دی. سیاسی ایش بیلرمان سلیم پیگیر نینگ سلام‌وطندار گه ایتیشیچه، جامعه ده‌گی برچه موضوع‌لرده اهالی نینگ نظری مهم دیر. جناب پیگیر نینگ ایشانچی گه کوره، اهالی نینگ نظری برابری ده بی فرق بولگن حکومت‌لر دوام قیلمه‌گن.
بیزلرنینگ فیسبوک صحیفه‌میزگه باش اورینگ!
برچه‌سی بیلن، سیاسی ایش بیلرمان و خلق‌ارا رابطه‌لر تحلیلچی طارق فرهادی گه کوره، اسلامی امارت شریعت حکمی گه عمل قیلسه، بیرینچیدن شریعت حکمی اساسیده آلتینچی صنف دن یوقاری قیزلر نینگ مکتب‌لرینی آچیشی کیره‌ک. او اسلامی امارت رهبری نینگ سوزلرینی ضد و نقیض عنوان قیله‌دی.
باشقه تاماندن ایش بیلرمان‌لردن قطاری نینگ ایتیشلریچه، اسلامی امارت اهالی نینگ ایرکین‌لیگینی آلیش اورنیده اولر نینگ رضایتینی قولگه کیلتیریشی لازم. سیاسی ایش بیلرمان‌لردن بیری مصطفی علی‌زاده گه کوره، افغانستان نینگ حاضرگی وضعیتی گه بناً، اسلامی امارت اهالی گه چیکلاو یره‌تمسلیگی کیره‌ک. اونینگ کوپه‌یتیریشیچه، افغانستان جامعه‌سیده چیکلاو و آزاد‌لیکنی سلب قیلیش، نتیجه بیرمه‌گن.
بیزلرنینگ توییترده هم تعقیب قیلینگ!
ملاهبت‌الله آخوندزاده نینگ سوزلری عین‌حالده میدیالرده ترقه‌لگن که، نیچه کون مقدم بیر دستور صادر قیلیب اسلامی امارت ایشلریدن تنقید قیلگنلر جزالنتیریلیشینی ایتگن ایدی. اوشبو دستور ده کیلیشیچه، مسئوللرنی ناحق عیبلش و واقعیت بولمه‌گن نرسه‌لرنی نقد قیلیش شرعی نقطه‌ی نظردن ناتوغری دیر.
