۲۲-حوت سه‌شنبه کونی اۉزبېکستان نینگ کابینه اعضالری و خصوصی سکتور وکیل‌لریدن عبارت اوشبو مملکت هیئتی کابل گه تشریف بویردی.
اۉزبېکستان تشقی ایشلر وزیری بختیار سعیدوف ییتکچیلیگی‌ده اوشبو هیئت، اسلام امیرلیگی عملدارلری جمله دن باش وزیر محمدحسن آخوند، اسلام امیرلیگی باش وزیری نینگ اۉرین باسرلری عبدالغنی برادر و عبدالسلام حنفی و تشقی ایشلر وزیرلیگی سرپرستی امیرخان متقی بیلن اۉچره‌شگن.
اسلام امیرلیگی نینگ ایتیشیچه، اۉزبېکستان تشقی ایشلر وزیری اسلام امیرلیگی رسمی‌لری گه، بو مملکت تاشکینت‌ده اسلام امیرلیگی ایلچیسینی قبول قیلیش و شونینگدیک قوش تېپه کانالی تخنیکی بولیمی گه یاردم بیریش و افغان-ترانس کبی قۉشمه لایحه‌لرنی عملگه آشیریش اوچون تیارلیگیدن ایشانچ بیرگن.
بیزلرنینگ فیسبوک صحیفه‌میزگه باش اورینگ!
اۉزبېکستان تشقی ایشلر وزیری، مملکتی افغانستان‌ده تاش کومیرنی قازیب چیقریش و بو کان‌دن برق تولید قیلیش بولیمیده سرمایه یاتقیزیش گه قیزیقیشینی اېتگن.
اسلام امیرلیگی سۉزلاوچیسی ذبیح‌الله مجاهد، اۉزبېکستان هیئتی نینگ کابل گه سفری خصوصیده سلام‌وطندار گه ایتیشیچه: «اۉزبېکستان تامانی یقینده افغانستان ایلچیسینی بیر تور قبول قیلیشیدن ایشانچ بیردی و اسلام امیرلیگی اولر نینگ همکارلیگیدن منتدارلیک بیلدیردی و شونینگدیک، افغان-ترانس کبی لایحه‌لر عملگه آشیریلیشی بولیمیده یاردم بیریب و اۉزبېکستان افغانستان بیلن همکار بولیش وعده‌سینی بیردیلر.»
ایش بیلرمان‌لردن بیرقطاری، اۉزبېکستان نینگ افغانستان گه نسبتن اقتصاد محور حرکتینی آلقیشله‌یدیلر.
بوتوغریده، ملت واحد افغانستان همبسته‌لیک آقیم رهبری محمدزلمی افغانیار پوپل نینگ سلام‌وطندار گه ایتیشیچه: «اۉزبېکستان هیئتی افغانستان گه کیلگن و برق ایشلب چیقریش و باشقه موضوع‌لر محاکمه قیلینگن، بو مثبت بیر آدیم دیر.»
بیزلرنینگ «ایکس» ترماغی ده هم تعقیب قیلینگ!
باشقه تاماندن اوشبو ایش بیلرمانلر نینگ ایشانچی گه کوره، اۉزبېکستان افغانستان بیلن اقتصادی علاقه‌سی بولیش گه اېنتیلماقده و بو مملکت افغانستان‌ده سرمایه یاتقیزیش و ترانزیت آرقه‌لی اقتصادی منفعتی اوچون تلاش قیلماقده.
مذکور ایش بیلرمانلر، حاضرگی قلتیس شرایط ده افغانستان اقتصادی انقراض بیلن دوچ اېکن اۉزبېکستان نینگ اقتصاد محور حرکتینی اونیملی دیب، بو حرکت‌لر نینگ مقصدی منطقه بویلب اقتصادی و سیاسی مناسبت‌لرنی کېنگه‌یتیریش بولسه، افغانستان نی خلق‌ارا انزوا دن قوتقریش گه یاردم بیریش گ ایشانه‌دیلر.
خلق‌ارا مناسبت‌لر ایش بیلرمان محمود اضطرابی گه کوره: «اسلام امیرلیگی نینگ قدرت گه اېریشگن بیرینچی ییل‌لیگیده مملکت‌لر افغانستان بیلن تعامل قیلیش ده محتاط‌لیک بیلن عمل قیلر اېدیلر و استه-سیکین مستقیم و نا مستقیم طرزده اسلام امیرلیگی بیلن رسمی علاقه قورگن مملکت‌لر سانی آشماقده»
ایتیش کېره‌ک، اۉزبېکستان هیئتی کابل گه سفری دایره‌سیده، بو هیئت اعضالری افغانستان نینگ حکومت و خصوصی سکتور وکیل‌لری بیلن اۉچره‌شیب و تورلی مساله‌لرنی محاکمه قیلگن‌لر.
