ایران جمهوری باشلیغی مسعود پزشکیان، امریکا و اسرائیل اوشبو مملکتنی حربی یول آرقهلی مغلوب قیله آلمهگنیدن ناامید بولگچ، ایرانده ایچکی نزاعلرنی کیلتیریب چیقریشگه قرهتیلگن استراتیژینی عملگه آشیریش گه اورینماقده دییدی.
خلقارا ییتکرمهلر، بوگون (۸-میزان/۳۰-سپتمبر، چهارشنبه) گزارش بیریشیچه، پزشکیان ایران بلدیهلری بیلن اوچرهشووده، یشاوچیلرنینگ عمومی مشارکتی امریکا و اسرائیلنینگ فتنهلریگه قرشی توریشنینگ یگانه یولی ایکنینی ایتگن.
شو بیلن بیرگه، ایران ملی خوفسیزلیک عالی کینگشینینگ کاتبی محسن رضایی، مملکتی امریکا بیلن صلح مذاکرهلری اوچون اوز شرایطلرینی بیلدیرگنینی، بیراق امریکا جمهور باشلیغی دونالد ترامپ قرار قبول قیلیشگه قادر ایمسلیگینی قوشیمچه قیلگن.
اکسیوس نشری گه کوره، ایران و امریکا اورتهسیدهگی ماجرا گه چیک قوییش اوچون قطر واسطهچیلرینینگ سعی-حرکتلری نتیجهسیز بولیب و ایکی مملکت اوز موضعلریدن آرتگه چیکینمهیاتگن بیر پیتده بو سوزلر ینگرهماقده.
