۹ کوندن بویان هلمند ولایتیده امنیتی کوچلر و طالبان گروهی آره‌سیده آتیشمه‌لر دوام ایتیب کیلماقده و حاضر بو ولایت نینگ کوپینچه منطقه‌لری اوروش گه شاهد بولگن.

هلمند ولایتی کینگش باشلیغی عطالله افغان نینگ ایتیشیچه، اوروش حاضر لشکرگاه شهری نینگ ۳- و ۱۰- خوفسیزلیک حوزه‌سی، هلمند-قندهار قتناویولی و شونینگیدک مذکور ولایت نینگ نادعلی تومنیده دوامی بار.

عین حالده هلمند محلی مسئوللری قولدن کیتگن منطقه‌لردن قطاری امنیتی کوچلرنینگ نظارتی گه اوتگنیدن خبر بیریشگن.

هلمند حاکمی سوزلاوچیسی عمر زواک نینگ ایتیشیچه، اوتگن کیچه امنیتی کوچلر نینگ ییر و هوا آرقه‌لی اویوشتیرگن هجوم‌لریده ۱۵ طالب هلاک و باشقه ۳ طالب یره‌لنگن.

اونگه کوره، اوتگن نیچه کونده یوزبیرگن آتیشمه‌لرده ۳۰۰ دن آرتیق طالب هلاک ایتیلگن.

بولرگه علاوه، هلمند ده ۹ کوندن بویان دوام ایتیب کیله‌دیگن اوروش‌لرده نادعلی، ناوه، گرشک، چاه انجیر تومن‌لری و شونینگدیک لشکرگاه شهری نینگ ۴- حوزه‌سیگه تیگیشلی باباجی منطقه‌سیدن ۱۰ مینگ دن آرتیق عایله بدرغه بولگن.

بدرغه بولگنلردن قطاری نینگ ایتیش‌لریچه، لشکرگاه شهری گه کیلگندن کیین، هیچ قندی یاردم قولگه کیلتیرمه‌گنلر و عایله‌لردن کوپینچه‌سی کیچه آچ یاتیشه‌دی.

هلمند حاکمی سوزلاوچیسی عمر زواک نینگ ایتیشیچه، بدرغه بولگنلرگه یاردم بیریش اوچون دولتی اداره‌لرگه علاوه، یاردم بیرووچی نهادلر تیکشیرووگه باشله‌گن.

اونگه کوره،‌ حاضرگچه یوزلرچه عایله گه یاردم بیریلگن.

محلی مسئوللرنینگ ایتیش‌لریچه، اوروشلر باعث ۱۰ مینگ دن آرتیق عایله بدرغه بولگن و شونینگدیک اولردن قطاری عایله اعضالرینی قولدن بیرگن.

جمهوررئیس‌لیک سرایی هلمند بدرغه‌لریگه ۲۰ میلیون افغانی یاردم بیریش گه علاوه،‌ طالبان گروهیدن هجوم‌لری نینگ توخته‌تیش‌لرینی سوره‌گن.

مرتبط با این خبر:

کلیدی کلمه‌لر: // //

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام