بغلان ولایتیدن قولگه کیلگن گزارشلرگه اساسیده، اندراب نینگ اوچگانه تومنلریده طالبان و مردمی کوچلر آرهسیده شدتلی آتیشمهلرنی دوامی بار.
مردمی خیزش کوچلر قومندانلریدن بیر قطاری نینگ ایتیشلریچه، طالبان جنگریلری بوگون ایرتهلب ساعت ۴ ده مذکور اوچ تومنده مخابراتی ترماقلر فعالیتی نی کیسگن و اوروش جدی بیر شکلده دوام تاپیب کیلماقده.
اولرگه کوره، آتیشمهلر و توپلر آتیلگنی باعث نیچه اوی تخریب بولگن و نیچه کیشی ایسه هلاک و یرهلنگن.
اولرنینگ کوپهیتیریشلریچه، طالبان مذکور ولایت نینگ یوللرینی باغلهگن و اولر آذیق آوقات ییتیشیشی گه رخصت بیرمهیدی.
قوم بویوکلریدن بیری جانمحمد نینگ ایتیشیچه، آتیشمهلر شدتلنگنی سبب مینگلرچه عایله بیجا بولگن که اولردن قطاری تاغلرگه پناه کیلتیرگنلر و باشقهلری ایسه پلخمری شهریگه کیتگنلر.
اونینگ کوپهیتیریشیچه، مذکور آتیشمهلر باعث نیچه تینچ اهالی هلاک ایتیلگن و بالهلردن قطاری ایسه روانی قیینچیلیکلر تاپگن.
مردمی کوچلر قومندانلردن بیری خیرمحمد نینگ ایتیشیچه، طالبان جنگریلری نیچه ولایتدن بغلان کیلگن، بیراق اولرنینگ هجوملری آرتده اوریلگن.
بیزلرنینگ فیسبوک صحیفهمیزگه باش اورینگ!
شونینگدیک، ایشانچلی بیر منبع نینگ ایتیشیچه، سابق حربی قومندانلردن قطاری پنجشیر ولایتیدن اندراب نینگ اوچگانه تومنلریگه کیرگنلر و اولر مذکور تومنلردن مدافعه قیلهدیلر.
شوندهی بیرحالده، بغلان ولایتیده طالبان نینگ محلی بیر قومندانی نی ایتیشیچه، اندراب نینگ اوچگانه تومنلری مذکور گروه نینگ جنگریلری نینگ نظارتی گه اوتگن.
او مذکور تومنلرده عیاللر و بالهلر نینگ گرو آلینیشی نی رد قیلگن، بیراق اونینگ کوپهیتیریشیچه، اوروش جریانیده اهالیگه ضرر یتیشهدی.
باشقه بیر تاماندن، اندراب نینگ اوچگانه تومن یشاوچیلری نینگ ایتیشلریچه، اوچ کوندن بویان قتناویوللرنینگ باغلنگنی سبب اهالی ییگولیک ماده لر کملیگی گه روپهرو بولگن.
اولرنینگ کوپهیتیریشلریچه، مذکور آتیشمهلر تیزلیککه یکونلنمهگن صورتده، انسانی بیر فاجعه یوز بیریشی ممکن.