سلام‌وطندارنینگ اختیاری گه قرار تاپگن مکتوب نینگ کورستیشیچه، بغلان پولیس قومندانی «امنیتی کوچلرگه قرشی ترورچیلیک هجوم اویوشتیریش گه طالبان گروهی بیلن» همکارلیک قیلگن ایکن.
اوشبو مکتوب قویاش جاری آیی نینگ ۱۵- کونیده ایچکی ایشلر وزیرلیگی نینگ پلان و اوپراسیون ریاستی تامانیدن، بغلان پولیس قومندانلیگی نینگ خوفسیزلیک ایشلری بوییچه اورین‌باسرلیک دفتری گه یوباریلگن که بو مکتوب گه کیلیشیچه، بغلان ولایتیده «قاری ظاهر» گه تانیقلی طالبان گروهی نینگ استخباراتی مسئولی، بو ولایتده امنیتی کوچلرگه قرشی ترورچیلیک هجوم اویوشتیریش اوچون، بغلان پولیس قومندانی دن یاردم سوره‌گن.
اوشبو مکتوب گه کوپه‌یتیریلیشیچه، بغلان پولیس قومندانی طالبان گروهی نینگ استخباراتی مسئولی نینگ ایسته‌گی گه جواب بیریب ایتگن که، اوروش رهبرلیگی ملی اردو کوچلری نینگ قولیگه دیر و او «همکارلیک قیلیش و ترورچیلیک هجوم‌لرگه زمینه یره‌تیش گه قادر ایمس.»
بیزلرنینگ فیسبوک صحیفه‌میزگه باش اورینگ!
مکتوب دن نقل قیلینیشیچه، «مولوی نثار» گه تانیقلی بغلان ولایتیده طالبان تامانیدن ناملنگن والی، بو گروه تامانیدن دهنه‌غوری گه تعیین ایتیلگن ولسوال گه پارتلش ماده‌دن تولیق بیر تانک نی مذکور شهرنینگ ایکینچی خوفسیزلیک حوزه‌سیده پارتله‌تیب و هجوم اویوشتیریشی توغریسیده بویروغ بیرگن.
عین حالده، بو مکتوب ده ایتیلیشیچه، بو گروه استخباراتی مسئولی پارتلش ماده دن تولیق بولگن ایکی تانک نی تیارلب، بیری نی مزاشریف شهری نینگ کیریش ایشیگیده و باشقه بیری نی اوچ خودکش هجومچی بیلن سمنت‌خانه تپه‌سیده پارتله‌تیب و عین حالده هجوم اویوشتیریش‌لری توغریسیده بویروغ آلگن.
بغلان خوفسیزلیک منبع‌لریدن قطاری آت‌لری فاش ایتیلیشی نی ایستمه‌ی بو مکتوب نینگ تصدیقله‌گن. اولرنینگ ایتیش‌لریچه، شونینگدیک بو مکتوب اولرگه هم ییتیشگن. منبعلرنینگ کوپه‌یتیریش‌لریچه، اولر طالبان نینگ بمب جایلشتریلگن موتر هجومی احتمالی و ترورچیلیک برنامه‌لریدن باخبر بولگن.
بغلان نینگ برکه تومنی طالبان گه تاپشیریلیشی
منبعلرگه کوره، مذکور مکتوب اجراآت قیلینیشی اوچون ایچکی ایشلر وزیرلیگی تامانیدن، بغلان پولیس قومندانلیگی گه یوباریلگن و بو قومندانلیگ نینگ جنایی جرم‌لرگه قرشی کوره‌ش مدیری نینگ امضاسیگه ییتیشگن.
منبعلر بغلان پولیس قومندانی نینگ ترورچیلیک هجوم‌لرگه طالبان گه همکارلیک قیلیش موضوعی نی احتمالی دیب و ایتیش‌لریچه، اولرنینگ اوتمیشدن بولگن معرفتی و شونینگدیک اونینگ بونده‌ی معامله‌لرگه نیچه مرته قولی بارلیگی باعث، اونینگ طالبان گه بونده‌ی بیر شرایط یره‌تیشی بعید ایمس.
بیراق بغلان پولیس قومندانی سیداشرف سادات سلام‌وطندار بیلن اوتکزگن صحبتیده، بونده‌ی مکتوب بارلیگی و اونگه ییتیشگنیدن اوز خبرسیزلیگی نی بیلدیرگن. بغلان پولیس قومندانی بو مکتوب نینگ ناتوغری دیب و اونینگ دشمن نی توطئه‌سی دیگن.
جناب سادات نینگ ایتیشیچه، ترورچیلر و اولرنینگ دسیسه‌لریگه قرشی کوره‌ش اوچون هردایم متعهد بولگن، «دشمن نینگ توطئه‌سی دیر، بیزلر تیزیم گه بولگنده و طالبان گه قرشی کوره‌شگنده، سیزلر بو توطئه نی ایشانه‌سیزلرمی؟»
ایچکی ایشلر وزیرلیگی بو توغریدگی سوراقلرگه جواب بیرمه‌دی، بیراق امنیتی نهادلر عمومی سوزلاوچیسی اجمل‌عمر شینواری، بغلان پولیس قومندانی نینگ ترورچیلیک هجوم‌لرگه قولی بارلیگی و شونینگدیک طالبان گروهی گه همکارلیک قیلیشی نی رد قیلگن.
شونینگدیک بوندن آلدین سلام‌وطندارگه ییتیشگن بیر مکتوب نینگ کورستیشیچه، بو ولایت محلی اداره‌سی نینگ توجه‌سیزلیگی باعث مذکور ولایت برکه تومنی نینگ محلی مسئوللری هیچ قنده‌ی آتیشمه یوزبیرمسدن، بو تومن نی طالبان گه تاپشیریب و اوزلری نهرین تومنی گه بارگن ایدی.
طالبان هجوم‌لری کوپه‌یگنیدن کیین بغلان نینگ کوپینچه تومن‌لری طالبان نظارتی گه اوتیب و بو تومندن طالبان و امنیتی کوچلرنینگ آره‌سیده جدی آتیشمه‌لر یوزبیرگن.
