بغلان ولایتی نینگ بغلان مرکزی تومنی ولسوالی سیدکمال وردک نینگ سلام‌وطندارگه ایتیشیچه، نقاب‌لی قوراللی کیشی‌لر هلو ترست ماین تازه‌لش دفتری اوستیگه هجوم قیلگن و نتیجه‌ده ۱۲ کیشی هلاک و باشقه ۱۷ کیشی یره‌لنگن.
اوشبو واقعه اوتگن کیچه بغلان مرکزی تومنی نینگ «شیخ جلال» قیشلاغیده یوز بیرگن و یره‌لنگن کیشی‌لر کسلخانه گه انتقال بیریلگن.
جناب وردک نینگ کوپه‌یتیریشیچه، تیکشیرووچی تیم محلگه یوباریلگن و تکیشیریش‌لرنی دوامی بار.
عین‌حالده، بیرقطار منبع‌لرنینگ ایتیش‌لریچه، قوراللی کیشی‌لر اوشبو دفتر ایشلاوچی‌لری نینگ پول و اموال‌لرینی اوزلری بیلن آلیب کیتگن.
بیراق، بغلان پولیس قومندانلیگی سوزلاوچیسی احمدجاوید بشارت نینگ بو واقعه‌نی طالبان گروهی گه نسبت بیریب ایتیشیچه، بوتوغریده تیکشیریش‌لر باشلنگن.
شونینگدیک، ایچکی ایش‌لر وزیرلیگی سوزلاوچیسی طارق آرین نینگ توییتر صحیفه‌سیده یازیشیچه، طالبان گروهی ماین تازه‌لش دفتری ایشلاوچی‌لری نینگ مصوونیتی‌دن ایشانچ بیرگن ایدی، لیکن اوشبو تروریستی گروه ماین تازه‌لش دفتری ایشلاوچی‌لرینی اوققه توتگن.
اونینگ کوپه‌یتیریشیچه، طالبان جنگریلری اوتگن کیچه ساعت ۱۰ ده ماین تازه‌لش دفتریده کیریب اوشبو دفتر ایشلاوچی‌لرینی اوققه توتگن.
حاضرگه‌قدر طالبان گروهی شامل هیچ‌بیر گروه بو واقعه مسوولیتی‌نی بوینیگه آلمه‌گن.
