بوگون (سه‌شبه ۲۵- عقرب) توشدن آلدین جمهور رئیس بیرینچی اورین باسری امرالله صالح، کابل بیلیم یورتی اوستیگه اویوشتیریلگن هجوم نی ریجه‌لنتیرگن کیشی نینگ قولگه آلینگنیدن خبر بیردی. اونگه کوره، کابل بیلیم یورتی اوستیگه اویوشتیریلگن هجوم نی ریجه‌لنتیرگن کیشی، اوشبو بیلیم یورت نینگ شرعیات فاکولته‌سیده اوچینچی صنف گه قدر درس اوقیب و بیلیم یورت اوستیگه هجوم اویوشتیریش بویروغی نی حقانی ترماغی نینگ سابق اعضاسی ثناالله آتلی کیشیدن آلگن.
طالبان گروهی نینگ سوزلاوچیسی ذبیح‌الله مجاهد، جناب صالح نینگ سوزلریگه قرشی عکس‌العمل کورستیب و هجوم نی ریجه‌لنتیرگن کیشی نینگ حقانی ترماغی بیلن علاقه‌سی بولگنی نی رد قیلگن.
مجاهد، جمهور رئیس بیرینچی اورین باسری نینگ سوزلرینی “مش‌مش” دیب و جناب صالح نی خلق نی اَلده‌شگه عیبله‌گن.
طالبان گروهی سوزلاوچیسی نینگ کوپه‌یتیریشیچه، صالح “اوزی و داعش نینگ قوشمه جنایتی” نی خلقدن یاشیریش اوچون، باشقه بیر تامان‌نی عیبله‌یدی.
امرالله صالح فیسبوک صحیفه‌سیده یازیشیچه، کابل بیلیم یورتی اوستیده‌گی هجومی نی ریجه‌لنتیرگن کیشی، قورال نی خوست ولایتیده‌گی حقانی ترماغیدن قولگه کیلتیرگن.
