رویترز خبرگزارلیگی نینگ گزارش بیریشیچه، روسیه تشقی ایشلر وزیرلیگی اعلام قیلگن که، بو مملکت مسکو ییغینیده چین و پاکستان بیلن صحبت اوتکزیب و افغانستان گه انسان‌دوستلیک یاردم‌لرینی اعلام قیلیش نیتی گه دیر، بیراق طالبان نینگ رسمیت گه تانیش بو ییغین نینگ آجنداسیگه شامل ایمس.
رویترز نینگ گزارشی اساسیده، سوزلشووودن کیین روسیه، چین و پاکستان مملکت‌لری نینگ رسمی‌لری افغانستان گه انسان‌دوستلیک یاردم بیریش گه وعده بیرگن. مذکور ییغین بوگون مسکو شهریده یولگه قوییلگن.
روسیه تشقی ایشلر وزیری سرگئی لاوروف نینگ ایتیشیچه، بو مملکتلر طالبان بیرگن وعده‌لری اینیقسه همه‌شمول دولت تشکیل ایتیلیشی توغریسیده بیرگن وعده‌سیگه عمل قیلیش‌لرینی کوتیب تورگن. اونینگ کوپه‌یتیریشیچه، «طالبان نی رسمیت گه تانیش حاضر بحث گه آلینمه‌گن. بیزلر اولر بیلن علاقه گه میز دیر. اولرگه ایته‌میز که قدرت گه ایریشگن زمان‌لریده بیرگن وعده‌لریگه عمل قیلسینلر.»
بیزلرنینگ فیسبوک صحیفه‌میزگه باش اورینگ!
باشقه بیر تاماندن اسلامی امارت سوزلاوچیسی ذبیح‌الله مجاهد، روسیه‌لیک بیر رسانه گه ایتگن که، اولر مسکو ییغینیده دنیا مملکت‌لریدن اقتصادی و سیاسی یاردم ایسته‌ش گه قرار قیلگن.
بوندن آلدین اسلامی امارت اعلام قیلگن ایدی که، رئیس‌الوزرا نینگ ایکینچی اورین‌باسری مولوی عبدالسلام حنفی ییتکچیلیگیده بیر هیأت مسکو ییغینی گه شرکت قیله‌دی.
