مملکت خوفسیزلیک وضعیتی یمان بولیشی و تومنلر سقوط قیلیشی دوامیده اوتگن ۲۴ ساعت ده تخار نینگ ۸ تومنی طالبان نظارتی گه اوتگن. تخار ولایتیدن محلی منبعلرنینگ ایتیش‌لریچه، اوتگن بیر کیچه‌وکوندوز ده بو ولایت نینگ چال، خواجه غار، درقد، خواجه بهاوالدین، نمک‌آب، ینگی قلعه، هزار سموچ و دشت قلعه تومنلری طالبان قولیگه سقوط قیلگن.
تخار ولایتی کینگش کاتبی محمداعظم افضلی نینگ سلام‌وطندارگه ایتیشیچه، بو تومنلر سقوط قیلیشی گه علاوه، اوشبو ولایتده اوروشلر شدت بیلن دوام ایتیب کیلماقده.
بیزلرنینگ فیسبوک صحیفه‌میزگه هم باش اورینگ!
شونینگدیک تخار ولایتی نینگ نمک‌آب تومن پولیس قومندانی ملا ظاهر، طالبان بیلن اوتکزگن آتیشمه نتیجه‌سیده هلاک ایتیلگن. طالبان سوزلاوچیسی ذبیح‌الله مجاهد نینگ ایتیشیچه، بو تومن برچه حربی جهازلری بیلن اولرنینگ نظارتی گه اوتگن.
تخار یشاوچی‌لری مذکور ولایت تومنلری طالبان قولیگه سقوط قیلیشیدن خواطر بیلدیریب ایتیش‌لریچه، تخارنینگ نیچه کلیدی تومنلری طالبان قولیگه سقوط قیلگن بیرحالده، بو ولایت نینگ باشقه تومنلری هم طالبان قمرویگه قرار تاپگن.
تخار یشاوچی‌لری نینگ آگاه‌لنتیریشیچه، حکومت اقدام قیلمه‌گن بیرحالده، تخار بوتونلی طالبان قولیگه سقوط قیلیشی ممکن.
بیزلرنینگ توییترده هم تعقیب قیلینگ!
شونده‌ی بیرحالده، گزارشلر اساسیده سمنگان نینگ دره صوف بالا تومنی، بلخ نینگ چهاربولک تومنی، فاریاب نینگ کوهستان تومنی، جوزجان نینگ خانقاه تومنی و شونینگدیک قندوز نینگ دشت‌ارچی تومنی آتیشمه یوزبیرمسدن طالبان نظارتی گه اوتگن.
بو گروه نینگ ادعا قیلیشیچه، بو تومنلرنی نظارت گه آلیش بیلن امنیتی کوچلرنینگ بوتون حربی جهازلری هم بو گروه قولیگه توشگن.
تومنلرنینگ سقوط قیلیشی توغریسیده مدافعه وزیرلیگی سوزلاوچی‌لری نینگ فکرینی آلیش ایسته‌دیک، بیراق مذکور وزیرلیک سوزلاوچی‌لری بیزلر بیلن علاقه گه اوتمه‌دی.
